'అ!'మెరికాలో దుమ్ము దులిపేస్తోంది గురూ!

మరిన్ని వార్తలు

ఓవర్సీస్‌లో నాని మార్కెట్‌ సంగతి తెలిసిందే. అక్కడ నాని సినిమాలకు పిచ్చ క్రేజ్‌ ఉంది. అందుకే అక్కడ నాని సినిమాలు బాక్సాఫీస్‌ వద్ద కాసుల వర్షం కురిపిస్తాయి. తాజాగా నాని తొలిసారి నిర్మాతగా మారి రూపొందించిన చిత్రం 'అ!'. ఈ సినిమాపై విడుదలకు ముందే అంచనాలు భారీగా నమోదయ్యాయి. అలాగే విడుదల తర్వాత కూడా ఆ అంచనాల్ని అందుకుంది నాని 'అ!. 

విడుదలకు ముందే సినిమా కాన్సెప్ట్‌పై క్రియేట్‌ అయిన ఇంట్రెస్ట్‌కి ఓపెనింగ్స్‌ అదిరిపోయాయ్‌ ఈ సినిమాకి. అంతేకాదు ప్రీమియర్‌ షోలతో అమెరికాలో ఈ సినిమా సాధించిన వసూళ్లు అక్షరాలా 107,612 డాలర్లనీ, అక్కడి ట్రేడ్‌ వర్గాల నుండి అందిన సమాచారమ్‌. నిన్న అనగా ఫిబ్రవరి 16న ఈ సినిమా ప్రేక్షకుల ముందుకు వచ్చింది. అన్ని వైపుల నుండీ ఈ సినిమాకు పోజిటివ్‌ రివ్యూసే రావడంతో సినిమా సక్సెస్‌ టాక్‌ని సొంతం చేసుకుందనే చెప్పాలి. ఈ తరహా కాన్సెప్ట్‌ బేస్డ్‌ మూవీస్‌కి ఇంతగా ఆదరణ దక్కడం అభినందనీయమైన విషయమే. 'అ!' ని చూసిన ప్రతీ ఒక్కరూ ప్రశంసలు కురిపిస్తున్నారు. 

ఓ తెలియని ఫీల్‌ని, సరికొత్త థ్రిల్‌ని కలిగించిందంటున్నారు 'అ!' సినిమా. నాని చెప్పినట్లుగా 'అ'లో ఊహించని సరికొత్త అంశాలు చాలా ఉన్నాయనీ విడుదల తర్వాత తెలిసింది. ఇదంతా చూస్తుంటే, ముందు ముందు టాలీవుడ్‌లో ఈ తరహా కాన్సెప్ట్‌ సినిమాలు పుట్టుకొచ్చేందుకు 'అ!' ఒక ఇన్స్‌పిరేషన్‌ అవుతుందనడం నిస్సందేహం. కాజల్‌ అగర్వాల్‌, నిత్యామీనన్‌, రెజీనా, ఈషా రెబ్బ, అవసరాల శ్రీనివాస్‌, మురళీ శర్మ, ప్రియదర్శన్‌ ముఖ్య పాత్రల్లో నటించిన ఈ సినిమాను ప్రశాంత్‌ వర్మ తెరకెక్కించారు.

 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS