శ్రీదేవి అకాలమరణంతో ఆమె నటించడానికి సిద్ధం అయిన సినిమాలు కూడా నిరవధికంగా ఆగిపోయాయి. ఇక అలాంటి ఒక చిత్రంలో ఇప్పుడు మరొక హీరోయిన్ నటించడానికి ఒప్పుకుంది.
ఆ వివరాల్లోకి వెళితే- కరణ్ జోహార్ నిర్మాణంలో ఒక మల్టీ స్టారర్ చిత్రంలో హీరో సంజయ్ దత్ పక్కన నటించడానికి శ్రీదేవి గ్రీన్ సిగ్నల్ ఇచ్చింది. ఈ చిత్రం ఆమె ఒప్పుకోవడానికి కారణం ఆ చిత్ర కథ తనకెంతో నచ్చడమే అన్నది ఆమెతో పాటు ఆమె కుటుంబసభ్యులు చెప్పిన మాట.
ఇక ఈ తరుణంలో కరణ్ జోహార్ చొరవతో అలాగే ఆ కథ బాగా నచ్చడంతో మరో నటి మాధురి దీక్షిత్ ఈ చిత్రం చేయడానికి ఒప్పుకుంది. దీనితో శ్రీదేవి మరణంతో ఈ చిత్రం ఆగిపోయింది అని అనుకున్న వారందరికీ ఇది శుభవార్త అనే చెప్పాలి.
ఈ సందర్భంగా శ్రీదేవి పెద్ద కూతురు జాన్వీ ఈ చిత్రంలో నటించడానికి ఒప్పుకున్న మాధురికి తమ కుటుంబం తరపున కృతజ్ఞతలు తెలిపింది. దీనితో శ్రీదేవి చేయాలనుకున్న పాత్రలో మాధురీ కనపనుంది.
