ఇట్స్‌ నాట్‌ 'లై' ఈ సారి కెమిస్ట్రీ అదిరిపోద్దట

By iQlik Movies - February 13, 2018 - 12:11 PM IST

మరిన్ని వార్తలు

'లై' సినిమాతో జత కట్టిన జోడీ నితిన్‌ - మేఘా ఆకాష్‌. సినిమా ఆశించిన విజయం అందుకోకపోవడంతో ఈ జంట ఆకట్టుకోలేకపోయిందనే కామెంట్స్‌ వచ్చాయి. కెమిస్ట్రీ కొంచెం ఓవర్‌ డోస్‌ అయ్యిందంటూ విమర్శలు కూడా వచ్చాయి. అయితే ఈ సారి కూడా ఈ ఇద్దరే జత కడుతున్నారు. 

పవన్‌ కళ్యాణ్‌ క్రియేటివ్‌ వర్క్స్‌ బ్యానర్‌లో రూపొందుతోన్న నితిన్‌ తాజా చిత్రంలో మళ్లీ మేఘా ఆకాషే హీరోయిన్‌గా నటిస్తున్న సంగతి తెలిసిందే. ఈ సినిమా ప్రస్తుతం శరవేగంగా షూటింగ్‌ జరుపుకుంటోంది. కృష్ణ చైతన్య ఈ సినిమాకి దర్శకత్వం వహిస్తున్నారు. త్రివిక్రమ్‌ అందించిన కథతో రూపొందుతోంది ఈ చిత్రం. కాగా ఇప్పుడు అందరి దృష్టి నితిన్‌ - మేఘా ఆకాష్‌ జంటపైనే. ఎందుకంటే తొలి సినిమాతో సరిగా ఆకట్టుకోలేకపోయిన ఈ జంట ఈ సారి ఏం చేస్తుందో అనుకుంటున్నారంతా. 

అయితే ఈ సారి మాత్రం వీరిద్దరి మధ్యా కెమిస్ట్రీ అదిరిపోనుందంటూ చిత్ర యూనిట్‌ సంకేతాలు పంపిస్తోంది. యాక్టింగ్‌ పరంగా తొలి సినిమాకి ముద్దుగుమ్మ మేఘా ఆకాష్‌ ఓకే అనిపించినా, ఈ సారి నటనలో కూడా నితిన్‌ సూచనలతో కొంచెం పరిణితి చెందిందట. అలాగే డాన్సుల్లోనూ, ఎక్స్‌ప్రెషన్స్‌లో కూడా ప్రత్యేకంగా కేర్‌ తీసుకుంటోందనీ సమాచారమ్‌. 'అ,ఆ..' సినిమాతో సూపర్‌ డూపర్‌ హిట్‌ అందుకున్న నితిన్‌ 'లై'తో కొంచెం డీలా పడ్డాడు. కానీ ఈ సారి మాత్రం పక్కా ప్రణాళికతో వస్తున్నాడనీ తెలుస్తోంది. 

మరో పక్క సందీప్‌ వంగా దర్శకత్వంలో నితిన్‌ ఇంకో సినిమాకి కమిట్‌ అయ్యాడట. త్వరలోనే ఈ సినిమాని పట్టాలెక్కించే యోచనలో నితిన్‌ ఉన్నాడనీ విశ్వసనీయ వర్గాల సమాచారమ్‌.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS

iQlik App is now on Google Play Store. See what the Celebs are saying about this APP. Download right Now