ముద్దుగుమ్మ రకుల్‌ ప్రీత్‌ సింగ్‌ ఈ మధ్య విభిన్నమైన కథల్ని ఎంచుకుంటోంది. కథలు కమర్షియల్‌ అయినప్పటికీ, తన పాత్రల్లో వేరియేషన్స్‌ చూసుకుంటోంది. ప్రాధాన్యత ఉన్న పాత్రలకే ఎక్కువ ఇంపార్టెన్స్‌ ఇస్తోంది. 'రారండోయ్‌ వేడుక చూద్దాం..' సినిమాలో ట్రెడిషనల్‌ లుక్‌లో అలరించిన ఈ ముద్దుగుమ్మ 'జయ జానకి నాయకా' సినిమాలో నటనకు ప్రాధాన్యత ఉన్న పాత్రతో ఆకట్టుకుంది. ఈ నెల్లోనే మహేష్‌బాబుతో 'స్పైడర్‌' సినిమాతో ప్రేక్షకుల ముందుకు రానుంది. ఈ సినిమాలో రకుల్‌ పాత్ర డిఫరెంట్‌గా ఉండబోతోందట. అలాగే ఇంపార్టెన్స్‌ ఉన్న పాత్ర కూడానట. మురుగదాస్‌ దర్శకత్వంలో వస్తోన్న ఈ సినిమా తెలుగు, తమిళ భాషల్లో విడుదలవుతోంది. తాజాగా ఈ ముద్దుగుమ్మ తమిళంలో నటిస్తోన్న సినిమా 'ఖాకీ' ఫస్ట్‌లుక్‌ రిలీజ్‌ అయ్యింది. చాలా కొత్తగా కనిపిస్తోంది రకుల్‌ ఈ సినిమాలో. కార్తి హీరోగా నటిస్తున్న ఈ సినిమాలో కార్తి పోలీసాఫీసర్‌ పాత్రలో నటిస్తున్నాడు. ఫస్ట్‌ లుక్‌ చాలా ప్లెజెంట్‌గా ఉంది. రకుల్‌ సరికొత్తగా కనిపిస్తోంది. రకుల్‌ ప్రీత్‌ సింగ్‌ ఆటిట్యూడ్‌ చాలా గొప్పది. కమిట్‌మెంట్‌తో ఉంటుంది ఏ సినిమా చేసినా. ఈ సినిమా అక్టోబర్‌లో ప్రేక్షకుల ముందుకు రానుంది. రకుల్‌, కార్తి జంట చూడ ముచ్చటగా ఉంది. ఈ ఫోటోని రకుల్‌ ప్రీత్‌ సింగ్‌ సోషల్‌ మీడియా ద్వారా అభిమానులతో షేర్‌ చేసుకుంది. హెచ్‌. వినోద్‌ దర్శకత్వంలో 'ఖాకీ' తెరకెక్కుతోంది. ఈ సినిమా షూటింగ్‌ చాలా చాలా సరదాగా జరిగిందనీ, కార్తితో నటించడం చాలా సంతోషంగా ఉందనీ రకుల్‌ అభిమానులతో ముచ్చటించింది.
