ఓ సినిమా హిట్టవుతుందనడానికి ఆ సినిమా టైటిల్ చూస్తే సరిపోతుంది ఒక్కోసారి. ట్రైలర్తో క్లారిటీ వచ్చేస్తుంటుంది ఇంకోసారి. సక్సెస్ కళ ఓ సినిమాకి ఉందనడానికి కాంబినేషన్ దగ్గర్నుంచి చాలానే కన్పిస్తాయి. అలా 'శతమానం భవతి' సినిమాకి హిట్టు కళ కన్పిస్తుందనడానికి ఎన్నయినా చెప్పుకోవచ్చు. సంక్రాంతికి విడుదల కానున్న ఈ సినిమా షూర్ షాట్ సూపర్ హాట్ అయ్యేలా ఉంది. టైటిల్తో సగం హిట్ కొట్టేసింది ఈ సినిమా టీమ్. తాజాగా రిలీజ్ అయిన ట్రైలర్తో నో డౌట్, సంక్రాంతి హిట్ అని ఇండస్ట్రీ అంటోంది. ఈ సినిమాలో శర్వానంద్ డిఫరెంట్గా కన్పిస్తున్నాడు, ఈస్ట్ గోదావరి యాక్సెంట్లో మాట్లాడుతూ. హీరోయిన్ అనుపమ పరమేశ్వరన్ యూఎస్ నుంచి వచ్చిన మోడ్రన్ అమ్మాయిలా కన్పిస్తోంది. వీరిద్దరి మధ్యా లవ్ చాలా రొమాంటిక్గా తెరకెక్కించినట్టున్నాడు దర్శకుడు. ట్రైలర్లోనే ఆ ఫీల్ కనిపించింది. ప్రకాష్రాజ్, జయసుధ కాంబినేషన్ 'గోవిందుడు అందరివాడేలే' సినిమాని తలపించింది. ఓవరాల్గా సినిమాకి సూపర్ హిట్ కళ కన్పిస్తోంటే, సినిమా యూనిట్కి అంతకన్నా కావాల్సిందేముంది? ఆ పల్లెటూరి వాతావరణం, ఆ పల్లెటూళ్ళో ఉండే కల్మషం లేని మనసుల అభిమానాలు అబ్బో, ఎన్నిసార్లు చూసినా తనివితీరదంతే. అనుపమ తన లుక్స్తో ఫుల్ మార్క్స్ కొట్టేసింది అప్పుడే. ఈ భామ 'అఆ' సినిమాలో పల్లెటూరమ్మాయిలా కన్పిస్తే, ఇందులో చాలా మోడ్రన్గా కనిపిస్తోంది. అయినా లంగావోణీలో తళుక్కున మెరిసి చూసేవారినలా తన గ్లామర్తో కట్టిపడేస్తోంది.