అల్లు అర్జున్ క‌థానాయ‌కుడిగా న‌టించిన చిత్రం దువ్వాడ జ‌గ‌న్నాథ‌మ్‌. హ‌రీష్ శంక‌ర్ ద‌ర్శ‌క‌త్వం వ‌హించిన ఈ చిత్రం ఈనెల 23న రాబోతోంది. ఇప్ప‌టికే విడుద‌లైన పాట‌లు, ప్ర‌చార చిత్రాలు ఈ సినిమాపై అంచ‌నాలు పెంచేశాయి. దానికి తోడు మంచి సీజ‌న్‌లో విడుద‌ల కాబోతోంది. బ‌న్నీకి పోటీగా పెద్ద సినిమాలేం లేవు. కాబ‌ట్టి.. సినిమా బాగుంటే.. రికార్డు వ‌సూళ్లు ద‌క్కించుకోవ‌డం ఖాయం. ఈ సినిమాపై బ‌న్నీకి ముందు నుంచీ భారీ అంచ‌నాలున్నాయి. అందుకే... ఈసారి తెలివైన ఎత్తుగ‌డ వేశాడు. బ‌న్నీ త‌న పారితోషికం బ‌దులుగా తూర్పు, ప‌శ్చిమ‌, కృష్ణా జిల్లాల రైట్స్ రాయించుకొన్నాడ‌ట‌. ఈ మూడు ఏరియాల నుంచి దాదాపుగా రూ.15 కోట్లు వ‌ర‌కూ రావొచ్చ‌న్న‌ది ట్రేడ్ వ‌ర్గాల అంచ‌నా. మామూలుగా అయితే. .. బ‌న్నీ పారితోషికం రూ.10 కోట్ల‌లోపే. అంటే.. డీజే తో రూ.5 కోట్లు లాభం అన్న‌మాట‌. బ‌న్నీ మాస్ట‌ర్ ప్లాన్ అదిరిపోయింది క‌దూ..!