ఈ వారం ఐక్లిక్ మూవీస్ టాక్ అఫ్ ది వీక్ లో మనం మాట్లడుకోబోతున్న చిత్రం- గౌతమ్ నంద.
మాస్ ఇమేజ్ ఉన్న గోపిచంద్ తనని తాను స్టైలిష్ గా మార్చుకొని ప్రేక్షకుల ముందుకి గౌతమ్ నంద గా వచ్చాడు. మాస్ ప్రేక్షకుల పల్స్ తెలిసిన దర్శకుడు గా పేరు తెచ్చుకున్న సంపత్ నంది ఈ చిత్రాన్ని స్టైలిష్ గా చిత్రీకరించాడు.
ఇక ఈ చిత్రంలో గోపీచంద్ కి జంటగా హన్సిక, కేథరిన్ లు నటించారు. కథ విషయానికి వస్తే, రాముడు-భీముడు కాన్సెప్ట్ ని మూలకథగా ఎంచుకున్న సంపత్ దానికి నేటి పరిస్థితులకి తగట్టుగా కమర్షియల్ టచ్ ఇచ్చే ప్రయత్నం చేశాడు.
అయితే ఈ సినిమాకి మొదటి రోజు మాత్రం మిక్స్ టాక్ వచ్చింది, అయితే కలెక్షన్స్ పరంగా మాత్రం మంచి ఫ్లో కొనసాగుతున్నది అని ట్రేడ్ వర్గాల సమాచారం. ఇక ఈ సినిమా బాక్స్ ఆఫీస్ వద్ద నిలబడాలంటే ఆదివారం తరువాత వచ్చే కలెక్షన్స్ పై ఆధారపడి ఉంటుంది అనేది ట్రేడ్ పండితుల అంచనా.
ఇప్పటికి శేఖర్ కమ్ముల అందించిన ఫిదా చిత్రం కలెక్షన్స్ పరంగా దూసుకేలుతుండడం గౌతమ్ నంద కి ఒకరకంగా పెద్ద ఎఫెక్ట్ అని చెప్పొచ్చు.
