మంచు మనోజ్‌ కొత్త సినిమా 'గుంటూరోడు'. తాజాగా ప్రేక్షకుల ముందుకు వచ్చింది. మాస్‌ ఎంటర్‌టైనర్‌గా తెరకెక్కిన ఈ సినిమా పోజిటివ్‌ రెస్పాన్స్‌తో దూసుకెళ్లిపోతోంది. ఎస్‌.కె.సత్య డైరెక్షన్‌లో ఈ సినిమా తెరకెక్కింది. ముద్దుగుమ్మ ప్రగ్యా జైశ్వాల్‌ హీరోయిన్‌గా నటించింది ఈ సినిమాలో. మనోజ్‌ యాక్షన్‌ సీక్వెల్స్‌, ప్రగ్యా జైశ్వాల్‌ అందచందాలు ఈ సినిమాకి బాగా ప్లస్‌ అయ్యాయి. ఈ సినిమా చూసిన వాళ్లంతా మనోజ్‌ యాక్షన్‌ సీన్స్‌ గురించే మాట్లాడుకుంటున్నారు. అంత బాగున్నాయి ఈ సినిమాలో యాక్షన్‌ సీన్స్‌. మంచు మనోజ్‌కి యాక్షన్‌ సినిమాలంటేనే చాలా ఇష్టం. అందులోనే కొత్తదనం వెతుకుతూ ఉంటాడు మంచు మనోజ్‌. అలా ఈ సినిమాలో చాలా కొత్త కొత్త యాక్షన్‌ సీన్స్‌ని తీసుకొచ్చాడు మనోజ్‌. అంతేకాకుండా ఈ సినిమాకి మెగాస్టార్‌ చిరంజీవి వాయిస్‌ ఓవర్‌ ఇచ్చారు. అది కూడా మనోజ్‌కి ప్లస్‌ అయ్యింది. విలన్‌ పాత్రల్లోనూ, సపోర్టింగ్‌ రోల్స్‌లోనూ నటించే సంపత్‌ మంచి నటుడు. ఆయనకి తాజాగా 'మిర్చి' సినిమాతో నంది అవార్డు దక్కింది. అలాగే ఈ సినిమాకి కూడా ఆయన మరిన్ని అవార్డులు దక్కించుకోవాలని మనోజ్‌ అన్నారు. ఈ సినిమా సక్సెస్‌ పట్ల మనోజ్‌ ఆనందం వ్యక్తం చేస్తున్నారు. ఈ సందర్భంగా నిర్వహించిన ప్రెస్‌ మీట్‌లో, ఈ సినిమాని ఇంతగా సక్సెస్‌ చేసినందుకు ఫ్యాన్స్‌కి మనోజ్‌ మనసారా థాంక్స్‌ చెప్పారు.