ప్ర‌ముఖ కెమెరామెన్ శ్యాం కె.నాయుడుపై ఫిర్యాదు న‌మోదైంది. త‌న‌ని పెళ్లి చేసుకుంటాన‌ని చెప్పి, మోసం చేశాడ‌ని న‌టి సాయి సుధా ఫిర్యాదు చేసింది. ఈ మేర‌కు ఎస్‌.ఆర్. న‌గ‌ర్ పోలీస్ స్టేష‌న్‌లో కేసు న‌మోదైంది. ప్ర‌స్తుతం శ్యాం కె.నాయుడు పోలీసుల అదుపులో ఉన్న‌ట్టు తెలుస్తోంది. ప్ర‌ముఖ సినీమాటోగ్రాఫ‌ర్ చోటా కె.నాయుడు సోద‌రుడే శ్యామ్‌. పూరి ద‌ర్శ‌క‌త్వంలో వ‌చ్చిన కొన్ని హిట్ చిత్రాల‌కు శ్యామ్‌ప‌నిచేశారు.
సాయి సుధ ఇది వ‌ర‌కు కొన్ని సంచ‌ల‌న ఇంట‌ర్వ్యూలు ఇచ్చి, పరిశ్ర‌మ‌ని షేక్ చేసింది. కొంద‌రిపై డైరెక్టుగానే కామెంట్లు చేసి డేరింగ్ అండ్ డాషింగ్ న‌టిగా పేరు తెచ్చుకుంది. ఇలా పోలీస్ మెట్లెక్కి, ఫిర్యాదు చేయ‌డం ఇదే తొలిసారి. పోలీసుల అదుపులో ఉన్న శ్యాం.. వాళ్ల‌కు ఎలాంటి స‌మాధానం చెబుతారో, అస‌లు ఇదంతా నిజ‌మో, కాదో తెలియాలంటే ఇంకొన్ని రోజులు ఆగాలి.
