అడవిశేష్‌ ప్రధాన పాత్రలో తెరకెక్కుతోన్న చిత్రం 'గూఢచారి'. తాజాగా ఈ చిత్రం టీజర్‌ విడుదలైంది. ఎందుకో ఈ సినిమాపై మొదట్నుంచీ అంచనాలున్నాయి. అలాంటిది టీజర్‌ వచ్చాక ఆ అంచనాలు ఎన్నో రెట్లు రెట్టింపయ్యాయి. 

హాలీవుడ్‌ స్టైల్‌ మేకింగ్‌, అడవిశేష్‌ అప్పియరెన్స్‌ అదిరిపోయాయి. రిచ్‌ లొకేషన్స్‌. రిచ్‌ కాస్ట్యూమ్స్‌ సినిమా స్థాయిని ఎక్కడికో తీసుకెళ్లిపోయాయి. టీజర్‌ అందరికీ షాకిచ్చింది. శిశికిరణ్‌ తిక్కా ఈ చిత్రాన్ని తెరకెక్కిస్తున్నాడు. అడవిశేష్‌ కేవలం నటుడు మాత్రమే కాదు, మల్టీ టాలెంటెడ్‌. ఈ సినిమాకి స్టోరీ ఆయనే అందించాడు. మంచి యాక్టింగ్‌ స్కిల్స్‌ ఉన్నోడు. 'క్షణం' సినిమాతో ఆల్రెడీ సోలో హీరోగా హిట్‌ కొట్టాడు. ఇప్పుడు రాబోతున్న ఈ 'గూఢచారి' అడవిశేష్‌ స్టామినాని మరింత పెంచేలా ఉంది. 

ఇకపోతే ఈ సినిమాలో తెలుగమ్మాయి శోభితా దూళిపాళ్ల హీరోయిన్‌గా పరిచయమవుతోంది. తొలి సినిమాతోనే అమ్మడు ఓ రేంజ్‌లో హాట్‌నెస్‌ చూపించేసిందనీ టీజర్‌లోనే శాంపిల్‌గా చూపించేశారు. అడవిశేష్‌తో లిప్‌లాక్‌ సీన్‌ టీజర్‌కి హైలైట్‌గా నిలిచింది. యాక్షన్‌ ఎపిసోడ్స్‌, లిప్‌లాక్‌ ఎపిసోడ్‌ చూస్తుంటే, అచ్చం హాలీవుడ్‌ సినిమానే తలపిస్తోంది. అయినా ఈ మధ్య సినిమా రిజల్ట్‌ని టీజర్‌, ట్రైలర్స్‌ చూసి అంచనా వేయలేకపోతున్నాం. 

చూడాలి మరి 'గూఢచారి'తో అడవిశేష్‌ ఏం చేస్తాడో. ఆగష్టు 3న 'గూఢచారి' ప్రేక్షకుల ముందుకు రానుంది.