అడ‌విశేష్ క‌థానాయ‌కుడిగా న‌టించిన చిత్రం మేజర్. వాస్త‌వ సంఘ‌ట‌న‌ల ఆధారంగా తెర‌కెక్కిన చిత్ర‌మిది. మేజర్ ఉన్ని కృష్ణ‌న్ జీవితాన్ని ఆధారంగా చేసుకుని ఈ చిత్రాన్ని రూపొందించారు.
పాన్ ఇండియా స్థాయిలో ఈ చిత్రం విడుద‌ల కానుంది. మ‌హేష్ బాబు నిర్మాణ భాగ‌స్వామిగా ఉండ‌డం... ఈ సినిమాకి ఓ ప్ల‌స్ పాయింట్‌. జూన్ 3న ఈ చిత్రాన్ని ప్రపంచ వ్యాప్తంగా విడుద‌ల చేస్తున్నారు. అయితే... ఈ సినిమా ప్రివ్యూస్ మాత్రం మే 24 నుంచి మొద‌ల‌వుతాయి. అంటే.. దాదాపు రెండు వారాల‌కు ముందే అన్న‌మాట.
ఓ సినిమా ప్రివ్యూస్‌ని విడుద‌ల‌కు ఇన్ని రోజులు ముందే ప్ర‌ద‌ర్శించడం నిజంగా ఓ రికార్డ్‌. హైద‌రాబాద్, ల‌క్నో, పూణె, బెంగ‌ళూరు, అహ్మ‌దాబాద్... ఇలా దేశంలోని 9 ప్ర‌ధాన న‌గ‌రాల్లో ప్రివ్యూస్ ప్ర‌ద‌ర్శిస్తారు. అందుకోసం బుక్ మై షోలో ముందే టికెట్లు బుక్ చేసుకోవాలి. ఏ రోజున ఏ న‌గ‌రంలో షో ఉంటుందో చిత్ర‌బృందం త్వ‌ర‌లో ప్ర‌క‌టిస్తుంది. శోభిత దూళిపాళ, సాయి మంజ్రేక‌ర్‌, ప్ర‌కాష్ రాజ్‌, రేవ‌తి కీల‌క పాత్ర‌లు పోషించారు. శ‌శికిర‌ణ్ తిక్కా ఈ చిత్రానికి ద‌ర్శ‌క‌త్వం వ‌హించారు.
