పవన్‌ కళ్యాన్‌ న్యూ ట్విట్టర్‌ అకౌంట్‌తో అభిమానులకు పండగే పండగ. తాను ప్రస్తుతం చేస్తున్న సినిమాలకి సంబంధించిన ఫోటోస్‌ని ఈ ట్విట్టర్‌లో ఎప్పటికప్పుడు పోస్ట్‌ చేస్తూ అభిమానుల్ని ఫుల్‌ ఖుషీ చేస్తున్నాడులే పవర్‌ స్టార్‌. ఇదివరకు పాత ట్విట్టర్‌లో సినిమాలకు సంబంధించి ఏ విషయంలోనూ స్పందించేవాడు కాదు పవన్‌. కానీ ఇప్పుడు అలా కాదు. పూర్తిగా మారిపోయాడు పవన్‌. ఎప్పటికప్పుడే సినిమా ముచ్చట్లు అభిమానులతో పంచుకుంటున్నాడు. ఇంతకన్నా అభిమానులకు పవన్‌ నుండి కావాల్సిందేముంటుంది. త్రివిక్రమ్‌ శ్రీనివాస్‌తో 'అజ్ఞాతవాసి' సినిమాలో నటిస్తున్నాడు పవన్‌ కళ్యాణ్‌.

ఈ సినిమాకి సంబంధించి, ఆన్‌ లొకేషన్‌ స్టిల్స్‌ని సోషల్‌ మీడియాలో పోస్ట్‌ చేస్తున్నాడు. ఆ స్టిల్స్‌ ఇప్పుడు ట్రెండింగ్‌ అవుతున్నాయి. తాజాగా ఓ పాటకి సంబంధించిన సీన్‌లోని స్టిల్‌ పోస్ట్‌ చేశాడు. స్టిల్‌ సూపర్‌ ఉందిలే. బ్యాక్‌ గ్రౌండ్‌లో డాన్సర్స్‌, జోరుగా డాన్సు వేస్తుంటే, రంగోలీ కలర్స్‌ మధ్యన పవన్‌ అలా నడిచి వస్తుంటే స్టిల్‌ అదిరిపోయిందంతే. ఈ సినిమా జనవరి 10న ప్రేక్షకుల ముందుకు రానుంది. సాఫ్ట్‌వేర్‌ ఉద్యోగిగా నటిస్తున్నాడు ఈ సినిమాలో పవన్‌ కళ్యాణ్‌.

జీన్స్‌, టీషర్ట్స్‌లో భలే హ్యాండ్‌సమ్‌గా కనిపిస్తున్నాడు స్టిల్స్‌లో. అనూ ఇమ్మాన్యుయేల్‌, కీర్తి సురేష్‌ హీరోయిన్లుగా నటిస్తున్నారు. అనూ ఇమ్మాన్యుయేల్‌ ఫుల్‌ గ్లామరస్‌గా కనిపించనుంది. కీర్తి సురేష్‌ ఎప్పటిలాగే ట్రెడిషనల్‌ వేర్‌లో కనువిందు చేయనుంది. అనిరుధ్‌ మ్యూజిక్‌ ఈ సినిమాకి ప్రధాన ఆకర్షణ కానుంది. సరికొత్త మ్యూజిక్‌నందించాడు అనిరుధ్‌. ప్రస్తుతం వారణాసిలో షూటింగ్‌ జరుగుతోంది. వారణాసి అందాల్ని ఆస్వాదిస్తున్నట్లుగా ఉన్న పవన్‌ స్టిల్స్‌ ఆదరహో అనిపిస్తున్నాయి.