బాలీవుడ్‌ హీరో అజయ్‌దేవగణ్‌ నటిస్తున్న తాజా చిత్రం 'మైదాన్‌'. అమిత్‌ శర్మ ఈ సినిమాని తెరకెక్కిస్తున్నారు. 'మైదాన్‌' ఇన్‌స్పైర్డ్‌ బై ఏ ట్రూ స్టోరీ అనే క్యాప్షన్‌తో రూపొందుతోన్న ఈ సినిమాని ప్రముఖ నిర్మాత బోనీకపూర్‌ నిర్మిస్తున్నారు. వెరీ లేటెస్ట్‌గా ఈ సినిమా నుండి ఫస్ట్‌లుక్‌ రిలీజ్‌ చేశారు. ఓల్డ్‌ ప్యాటర్న్‌ బ్యాక్‌ గ్రౌండ్‌లో ఈ లుక్‌ కనిపిస్తోంది. పక్క పాపిట తీసి నీట్‌గా దువ్వుకున్న హెయిర్‌ స్టైల్‌, క్యాజువల్‌ వేర్‌లో అజయ్‌ దేవగణ్‌ కనిపిస్తున్నాడు. చేతిలో ఓ బ్యాగ్‌, పాత కాలం నాటి గొడుగూ పట్టుకుని మిడిల్‌ క్లాస్‌ వ్యక్తిగా కనిపిస్తునాడు. కాలితో బాల్‌ని తన్నుతూ జోష్‌గా కనిపిస్తునాడు. ఆ బాల్‌ ఏంటో తెలుసా? ఫుట్‌బాల్‌. అంటే అర్ధమయ్యే ఉంటుంది ఈ సినిమా ఫుట్‌బాల్‌ క్రీడా నేపథ్యంలో తెరకెక్కుతోన్న సినిమా అని.
ఈ ఫస్ట్‌లుక్‌తో పాటు, పక్కనే ఉన్న మరో పోస్టర్‌లో ఆ విషయం ఎలాగూ రివీల్‌ చేశారు. మంచి కసి మీదున్న ఫుట్‌బాల్‌ ఆటగాళ్లు, వారిలో చైతన్యం నింపుతున్న కోచ్‌ (వెనక నుండి) కనిపిస్తున్నాడు. అయితే, ఆ కోచ్‌ అజయ్‌దేవగణా.? కాదా.? అనేది తెలియాల్సి ఉంది. ఇకపోతే, ఈ సినిమాలో కీర్తి సురేష్‌ హీరోయిన్‌గా నటించాల్సి ఉంది. కానీ, అజయ్‌ పక్కన కీర్తి మరీ చిన్న పిల్లలా కనిపిస్తోందనే కారణంతో ఆమె ఈ గోల్డెన్‌ ఛాన్స్‌ మిస్‌ చేసుకుంది. ఆ ప్లేస్‌ని సీనియర్‌ నటి ప్రియమణి రీప్లేస్‌ చేసింది. నవంబర్‌ 27న 'మైదాన్‌' ప్రేక్షకుల ముందుకు రానుంది.
