ఓ విజ‌యం కోసం ప‌రిత‌పించిపోతున్నాడు సుమంత్‌.  గ‌తేడాది ‘నరుడా డోనరుడా’  విడుద‌లై.. ఘోర ప‌రాజ‌యాన్ని మూట‌గ‌ట్టుకొంది. ఆసినిమా ప్ర‌మోష‌న్ల‌ని భారీ ఎత్తున చేసినా.. ఫ‌లితం రాలేదు.  ఇప్పుడు గౌతమ్ తిన్నూరి ద‌ర్శ‌క‌త్వంలో ఓ చిత్రంలో న‌టిస్తున్నాడు. ఇటీవ‌లే ఈ చిత్రం లాంఛ‌నంగా ప్రారంభ‌మైంది. ఇందులో క‌థానాయిక‌గా బాలీవుడ్ భామ ఆకాంక్ష సింగ్‌ని ఎంచుకొన్నారు.  ‘బద్రీనాథ్ కి దుల్హనియా’  చిత్రంతో బాలీవుడ్‌ని మెప్పించిందీ అమ్మ‌డు. అంత‌కు ముందు కొన్ని హిందీ ధారావాహిక‌ల్లోనూ న‌టించింది. తెలుగులో ఇదే తొలి చిత్రం. సుమంత్ పాత్ర రెండు ర‌కాల షేడ్స్‌లో ఉంటుంద‌ని, ఈ సినిమాలో రొమాన్స్‌కీ చోటుంద‌ని తెలుస్తోంది. మ‌రి ఈ ఇద్ద‌రి కెమిస్ట్రీ తెర‌పై ఎంత బాగా పండుతుందో తెలియాలంటే ఇంకొంత కాలం ఆగాలి.