అఖండ పేరుకు త‌గ్గ‌ట్టే.. సీరియ‌స్ ఎమోష‌న‌ల్ యాక్ష‌న్‌ డ్రామా. ట్రైల‌ర్‌లో చూశాం క‌దా.. ఎక్క‌డా రొమాన్స్ కి చోటు లేకుండా పోయింది. కాక‌పోతే.. బాల‌య్య నుంచి ఫ్యాన్స్ `రొమాన్స్` కూడా ఆశిస్తారు. వాళ్ల‌కు డ్యూయెట్లు, మాస్ స్టెప్పులూ కావాల్సిందే. కాబ‌ట్టి బోయపాటి వాటికీ చోటు క‌ల్పిస్తూ `జై బాల‌య్య` అనే పాట ఫిక్స్ చేశాడు. ఈ సినిమాలో వినిపిస్తున్న ఒకే ఒక్క మాస్ పాట ఇది. త‌మ‌న్ కూడా అది దృష్టిలో ఉంచుకుని మంచి మాస్ బీట్ ఇచ్చాడు. `జై బాల‌య్య` అంటూ క్వాయినింగ్ చేసి - ఫ్యాన్స్‌కి ఊపు తెచ్చే పాట ఒక‌టి పెట్టారు.
ఆ పాట‌లో... బాల‌య్య వేసిన సిగ్నేచ‌ర్ స్టెప్పులు అదిరిపోయాయి. బంతి, క‌ర్ర,క‌ళ్ల‌జోడు... వీటితో బాల‌య్య వేసిన సిగ్నేచ‌ర్ స్టెప్పులు థియేట‌ర్లో గోల పెట్టించ‌డం ఖాయం. ఇవ‌న్నీ ఒక ఎత్త‌యితే.. చొక్కాలు విప్పే స్టెప్పొక‌టి క‌నిపించింది. బాల‌య్య ఒంటిమీద నుంచి ఒక్కో చొక్కా.. వెళ్లిపోయే షాట్... వింత‌గానూ, కొత్త‌గానూ అనిపిస్తోంది. ఈ స్టెప్పు ఇంత‌లోనే వైర‌ల్ అయిపోయింది. దానిపై మీమ్స్ కూడా మొద‌లైపోయాయి. ఎన్టీఆర్ బ‌యోపిక్ రెండు భాగాల్లోనూ బాల‌య్య‌కు స్టెప్పులేసే ఛాన్స్ లేకుండా పోయింది. అఖండ‌లో ఆ ఛాన్స్ క‌ల్పించి మ‌రీ.. పాట పెట్టినందుకు బాల‌య్య త‌న ఫ్యాన్స్ ని సంతృప్తి ప‌రిచేలా స్టెప్పులు వేసి, వాళ్ల‌కు ఖుషీ చేయ‌డానికి ప్ర‌య‌త్నించాడు. ఈ సినిమాలో 5 పాట‌లున్నా - అఖండ రిలీజ్ రోజున థియేట‌ర్లో ఫ్యాన్స్ ఈ పాట కోసమే ఎదురు చూస్తార‌న్న విష‌యంలో ఎలాంటి సందేహం లేదు.
