పాన్ వరల్డ్ మూవీ పుష్ప 2 కోసం ఫాన్స్ ఈగర్లీ వెయిటింగ్. అల్లు అర్జున్, సుకుమార్ కాంబోలో దేవిశ్రీప్రసాద్ సంగీతం అందిస్తున్న ఈ మూవీ డిసెంబర్ 5 న రిలీజ్ అవుతోంది. ముందు రోజే అంటే డిసెంబర్ 4 న ప్రీమియర్స్ వేస్తున్నారని సమాచారం. ఈ లోగా రెండు తెలుగు రాష్ట్రాల్లో ప్రమోషన్స్ నిర్వహించేలా ప్లాన్ చేస్తున్నారు టీమ్. తెలుగు రాష్ట్రాలతో పాటు మిగతా సిటీస్ లో కూడా ప్రమోషన్స్ నిర్వహించేలా పక్కా ప్రణాళిక వేస్తున్నారు. అయితే షూటింగ్ ఇంకా కొంచెం పెండింగ్ ఉంది. పుష్ప2 లో ఒక ఐటెం సాంగ్ ప్లాన్ చేసారు సుక్కు. కానీ ఈ పాట ఇప్పటివరకు పూర్తి కాలేదు. కారణం హీరోయిన్ ఓకే అవకపోవటమే.

పుష్ప పార్ట్ 1 లో సమంత ఊ అంటావా పాట చేసింది. ఈ సాంగ్ సినిమా క్రేజ్ ని పెంచి, మంచి హిట్ అయ్యింది. సామ్ కి వరల్డ్ వైడ్ గుర్తింపు తెచ్చింది ఈ పాట. దీంతో సెకండ్ పార్ట్ లో కూడా ఇలాంటి ఒక ఐటెం సాంగ్ పెట్టారు సుకుమార్. దేవిశ్రీ  పాట కూడా రెడీ చేసారు. కానీ హీరోయిన్ కన్ఫర్మ కాక ఇప్పటి వరకు పెండింగ్ లో ఉంది. ఐటెం సాంగ్ కోసం సమంతని సంప్రదిస్తే నో చెప్పింది. డిసప్పాయింట్ అయిన టీమ్ జాన్వీ కపూర్, త్రిప్తి దిమ్రి, దిశాపటాని పేర్లు పరిశీలించారు కుదరలేదు. చివరికి బాలీవుడ్ స్టార్ హీరోయిన్ శ్రద్దా కపూర్ చేస్తోందని వార్తలు వచ్చాయి. కానీ శ్రద్దా కపూర్ కూడా ఈ పాటకి ఎక్కువగా రెమ్యునరేషన్ డిమాండ్ చేయటం, డేట్స్ కూడా చాలా తక్కువ ఇవ్వటంతో సుకుమార్ చివరికి శ్రీలీల వైపు మొగ్గు చూపారని సమాచారం.

ఫైనల్ గా పుష్ప 2 లో శ్రీలీల ఐటెం సాంగ్ చేస్తోంది. అసలు మొదట ఈ పాట కోసం శ్రీలీలని సంప్రదించారు. వరుస డిజాస్టర్లతో ఉన్న శ్రీలీల ఈ ఆఫర్ కి నో చెప్పింది. కెరియర్ డౌన్ లో ఉన్నప్పుడు ఐటెం సాంగ్స్ లో నటిస్తే వరుసగా అలాంటి ఆఫర్స్ వస్తాయని భయపడి తిరస్కరించింది. తిరిగి తిరిగి చివరికి మళ్ళీ శ్రీలీల దగ్గరికి టీమ్ వెళ్ళింది. అల్లు అర్జున్, శ్రీలీల కలిసి గతం లో ఆహా ప్రమోషన్ యాడ్ కోసం డాన్స్ చేసారు. ఇద్దరు మంచి డాన్సర్స్ వీరిద్దరూ కలిసి పుష్ప2 లో ప్రత్యేక గీతంలో చిందేస్తే ఇంకేమైనా ఉందా మాస్ జాతరే.