'పెటా' సంస్థ జంతు సంరక్షణ నిమిత్తం ఎప్పటినుండో ప్రచారం చేస్తోన్న సంగతి తెలిసిందే. ఆ ప్రచారంలో అందమైన భామలు ఇన్నోవేటివ్‌గా తమ తమ అభిప్రాయాలను వెల్లిబుచ్చుతున్నారు. తాజాగా ఈ లిస్టులోకి అందాల భామ అమీజాక్సన్‌ కూడా వచ్చి చేరింది. 'హుక్‌డ్‌ ఆన్‌ మీట్‌ 'అంటూ ఓ పోస్టర్‌కి పోజిచ్చింది. గొలుసులతో కాళ్లు, చేతులు కట్టేసినట్లుగా ఉంది అమీజాక్సన్‌. హుక్‌తో ఆమె కడుపులో పొడిచినట్టుగా ఉంది. పక్కనే కత్తి కూడా ఉంది. షైనింగ్‌ సిల్వర్‌ టిష్యూ క్లాత్‌ కాస్ట్యూమ్‌లో అమీజాక్సన్‌ 'పెటా' తరపున చేస్తున్న ప్రచారం ఆమె అభిమానులను ఆలోచింపచేసేలా ఉంది. గతంలో సన్నీలియోన్‌తో సహా పలువురు బాలీవుడ్‌ భామలు, టాలీవుడ్‌ భామలు కూడా ఈ సంస్థ తరపున ఇలాంటి హాట్‌ హాట్‌ ప్రచారాలు చాలా చేశారు.' జంతువుల్ని చంపకండి, గో విజిటేరియన్‌' అంటూ చాలా చాలా నీతులు బోధించారు. ఆ నీతుల దారి నీతులదే కానీ, ఈ పేరు చెప్పి, అందాల భామలు ఆరబోసే అందాల దారి మాత్రం ఎవరికి వారే ప్రత్యేకమైనది.