ముద్దుగుమ్మ ఆండ్రియా తాజాగా 'విశ్వరూపం 2' చిత్రంలో హీరోయిన్‌గా నటిస్తోంది. విశ్వనటుడు కమల్‌ హాసన్‌ హీరోగా తెరకెక్కుతోంది ఈ చిత్రం. ఫైనల్‌ షెడ్యూల్‌ చిత్రీకరణ చివరి దశకు చేరుకుంది. కాగా ఆండ్రియా హార్స్‌ రైడింగ్‌ చేస్తున్నట్లుగా ఉన్న ఫోటో ఒకటి సోషల్‌ మీడియాలో పోస్ట్‌ చేసింది. హార్స్‌ రైడింగ్‌ చేయడం చాలా బావుందంటోంది. ఇదో హాబీగా మారిపోయిందటోంది. 

'విశ్వరూపం 2' అత్యంత ప్రతిష్ఠాత్మకంగా తెరకెక్కుతోన్న చిత్రం. త్వరలో విడుదలకు సిద్ధంగా ఉంది. కమల్‌ హాసన్‌తో నటించడం చాలా సంతోషంగా ఉందంటోంది. ఆర్మీ డ్రస్సులో హార్స్‌ రైడింగ్‌ చేస్తూ భలే క్యూట్‌గా కనిపిస్తోంది ఆండ్రియా. కమల్‌ హాసన్‌తో ఆర్మీ డ్రస్సులో వున్న పలు ఫోటోలు సోషల్‌ మీడియాలో హల్‌చల్‌ చేస్తున్నాయి. కాగా ఇటీవలే ఈ ముద్దుగుమ్మ తెలుగులో 'గృహం' సినిమాలో నటించింది. హారర్‌ బేస్‌డ్‌ మూవీ ఇది. ఈ సినిమా మంచి విజయం సాధించడంతో అమ్మడి పేరు మళ్లీ తెలుగులో పాపులర్‌ అయ్యింది. 

గతంలో 'తడాఖా' చిత్రంలో సునీల్‌కి జోడీగా నటించింది. ఇటీవల వచ్చిన 'గృహం'లో సిద్ధార్ద్‌కి జంటగా నటించింది. హారర్‌ మూవీ అయినప్పటికీ ఈ ముద్దుగుమ్మ సో హాట్‌గా కనిపించింది ఈ సినిమాలో. కమల్‌ హాసన్‌ హీరోగా గతంలో వచ్చిన 'విశ్వరూపం 1' సెన్సేషనల్‌ విజయం అందుకుంది. దానికి సీక్వెల్‌గా తెరకెక్కుతోన్న సినిమానే 'విశ్వరూపం 2'. ఆఖరి దశ షూటింగ్‌ దాదాపు పూర్తి కావస్తోంది. త్వరలోనే ఈ సినిమా విడుదలకు సిద్ధమవుతోంది.