లేడీ ఓరియెంటెడ్ సినిమాల‌కు కేరాఫ్ గా నిలిచింది అనుష్క. అయితే ఆమె కెరీర్ కొంత‌కాలంగా స్థ‌బ్దుగా ఉంది. కొత్త‌గా ఏ సినిమానీ ఒప్పుకోవ‌డం లేదు. అయితే ఇప్పుడు ఆమెకు ఓ సినిమా బాగా న‌చ్చింద‌ని, ఆ సినిమాని తెలుగులో రీమేక్ చేయ‌డానికి ఉత్సాహం చూపిస్తుంద‌న్న‌ది టాలీవుడ్ టాక్‌.
న‌య‌న‌తార త‌మిళంలో న‌టించిన తాజా చిత్రం `నేట్రికన్‌`. ఇటీవ‌ల ఓటీటీలో విడుద‌లైంది. ఈ సినిమా చూసిన అనుష్క... తెలుగులో రీమేక్ చేయాల‌ని ఫిక్స‌య్యింద‌ట. ఓ నిర్మాత‌కు చెప్పి.. రీమేక్ రైట్స్ కూడా కొనుగోలు చేయించింద‌ని టాక్‌. అయితే... నెట్రికన్ కి ఆద‌ర‌ణ అంతంత మాత్ర‌మే. పైగా.. ఆ సినిమా తెలుగులోనూ డ‌బ్ అయ్యింది. అలాంటి క‌థ‌ని అనుష్క తెలుగులో ఎలా రీమేక్ చేయాల‌నుకుంటుందో అర్థం కావ‌డం లేదు. అయితే కొంత‌మంది మాత్రం `నెట్రికన్`లోని పాయింట్ మాత్ర‌మే తీసుకుని, ఆ క‌థ‌ని పూర్తిగా మారుస్తార‌ని, అందుకే అనుష్క‌తో రీమేక్ చేయాల‌నుకుంటున్నార‌ని చెబుతున్నారు. ఏదేమైనా.. అనుష్కకి మ‌ళ్లీ సినిమాలు చేయాల‌న్న ఉత్సాహం వ‌చ్చింది. అది చాలు. మ‌రి నెట్రికన్ ని ఎవ‌రు కొన్నారో? ఎవ‌రు డైరెక్ట్ చేస్తారో? తెలియాలంటే ఇంకొన్ని రోజులు ఆగాలి.
