బంగార్రాజుకి క‌లిసొచ్చిన జ‌గ‌న్ నిర్ణ‌యం

By Gowthami - January 12, 2022 - 16:59 PM IST

మరిన్ని వార్తలు

రోమ్ లో ఉన్న‌ప్పుడు రోమ‌న్‌లా ఉండాలి. ఏ ప్ర‌భుత్వం అధికారంలో ఉంటే, వాళ్ల త‌ర‌పునే మాట్లాడుతుంటాలి. అప్పుడే ప‌నులు జ‌రుగుతాయి. ఈ విష‌యంలో కొంత‌మంది ఆరితేరిపోయి ఉంటారు. ప్ర‌భుత్వానికి వ్య‌తిరేకంగా మాట్లాడితే, సొంత ప్ర‌యోజ‌నాలు దెబ్బ‌తింటాయ‌ని వాళ్ల భ‌యం. నాగార్జున కూడా ఈర‌కంగానే ఆలోచిస్తాడన్న విష‌యం ఈ మ‌ధ్య `బంగార్రాజు` వేడుక‌లో అర్థ‌మైంది.


టికెట్ రేట్ల వ్య‌వ‌హారంపై స్పందించ‌మ‌ని నాగ్ ని కోరితే..`టికెట్ రేట్ల విష‌యంలో నాకెలాంటి ఇబ్బంది లేదు` అని చెప్పేశాడు. టికెట్ రేట్లు ఎంతున్నా త‌న‌కు ఫ‌ర‌క్ ప‌డ‌ద‌ని తేల్చేశాడు. ఓ నిర్మాత అయి ఉండి, ఇండ్ర‌స్ట్రీ గొంతుక వినిపించాల్సిన త‌రుణంలో, మిగిలిన నిర్మాత‌లంతా టికెట్ రేట్ల విష‌యంలో ఇబ్బందులు ప‌డుతున్న త‌రుణంలో నాగ్ ఇలా మాట్లాడాల్సింది కాద‌న్న కామెంట్లు వినిపించాయి.


అయితే `ఇబ్బంది లేదు` అన్న మాట‌.. ఇప్పుడు నాగ్ కి ప‌రోక్షంగా సాయం చేస్తోంది. ఏపీలో ప్ర‌భుత్వం తీసుకుంటున్న కొన్ని నిర్ణ‌యాలు `బంగార్రాజు` కోస‌మే నేమో అనేలా క‌నిపిస్తున్నాయి. ఈ సంక్రాంతికి విడుద‌ల అవుతున్న ఏకైక పెద్ద సినిమా బంగార్రాజు. ఈ సీజ‌న్‌పై ఈ సినిమా చాలా ఆశ‌లు పెట్టుకుంది. అయితే ఏపీలో 50 శాతం ఆక్యుపెన్సీ, నైట్ క‌ర్‌ఫ్యూ నిబంధ‌న‌లు బంగార్రాజు దూకుడుకు క‌ళ్లాలు వేస్తాయ‌ని భ‌య‌ప‌డ్డారు.


అయితే.. ఈ రెండు నిబంధ‌న‌ల‌నూ ఎత్తేసింది ఏపీ ప్ర‌భుత్వం. సంక్రాంతి సీజ‌న్ అయ్యేంత వ‌ర‌కూ 50 శాతం ఆక్యుపెన్సీ, నైట్ క‌ర్‌ఫ్యూలూ లేవ‌ని ప్ర‌క‌టించారు. ఇదంతా బంగార్రాజు ఇబ్బందుల్ని తొల‌గించ‌డానికే అనే టాక్ వినిపిస్తోంది. ఈ ఉప‌శ‌మ‌నాలు పూర్తిగా బంగార్రాజుకి ఫేవ‌ర్ చేస్తాయ‌న్న‌ది టాలీవుడ్ టాక్‌. మొత్తానికి నాగ్ కి మంచే జ‌రిగింది. 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS