అర్జున్ రెడ్డి చిత్రం ఇప్పుడు తెలుగు చలనచిత్ర పరిశ్రమలో ఒక సంచలనమనే చెప్పాలి. ఈ సినిమాకి సంబందించిన టీజర్ విడుదల అయిన నాటి నుండి నిన్న రాత్రి ప్రివ్యూల వరకు ఈ సినిమా పై పాజిటివ్ టాక్ పెరుగుతూనే వుంది.
ఇక ప్రివ్యూలు అయిపోయిన తరువాత నుండి ఇది ఒక కొత్త ట్రెండ్ కి నాంది పలికే చిత్రంగా ఉంది అన్న టాక్ మొదలయింది. ఇప్పటివరకు స్టీరియో టైపు గా కొనసాగిన తెలుగు సినిమాని ఈ సినిమా మరోవైపుకి తిప్పుతుంది అన్న అభిప్రాయలు వినపడుతున్నాయి.
అయితే ఈ క్రెడిట్ లో ముఖ్య భాగం దర్శకుడు సందీప్ కి దక్కుతుంది అని ఆ తరువాత ప్రధాన తారాగణం అయిన విజయ్-శాలినిలకు వెళుతుంది అని అంటున్నారు. యూత్ ని బాగా ఎట్రాక్ట్ చేసిన ఈ చిత్రం, వారి సహాయంతోనే అర్జున్ రెడ్డి బాక్స్ ఆఫీస్ వద్ద రూ 40కోట్లు పైగా వసూళ్ళు సంపాదించనుంది అని ట్రేడ్ వర్గాలు అంచనా వేస్తున్నాయి.
మొత్తానికి అర్జున్ రెడ్డి ఈ తరం మెచ్చే చిత్రం అని... ఈతరానికి తగ్గటుగా తెలుగు చిత్రపరిశ్రమని మరొక వైపు తిప్పే సినిమాగా అర్జున్ రెడ్డి ఉంది అన్న మాట అన్ని వైపులా నుండి వినిపిస్తున్నది.
