నంద‌మూరి బాల‌కృష్ణ - బోయ‌పాటి శ్రీ‌ను కాంబినేష‌న్‌లో హ్యాట్రిక్ చిత్రం రూపుదిద్దుకుంటున్న సంగ‌తి తెలిసిందే. ప్ర‌గ్యా జైస్వాల్ క‌థానాయిక. శ్రీ‌కాంత్ ప్ర‌తినాయ‌కుడిగా న‌టించ‌బోతున్నాడు. మేలో విడుద‌ల అవుతోంది. కానీ.. ఈ సినిమా టైటిల్ ఏమిట‌న్న‌ది ఇప్ప‌టికీ స‌స్పెన్సే. చాలా టైటిళ్లు చ‌క్క‌ర్లు కొడుతున్నాయి. ఈ టైటిల్ విష‌యంలో చిత్ర‌బృందం ఓ నిర్ణ‌యానికి వ‌చ్చేసింది.
టైటిల్ ప్ర‌క‌ట‌న‌కు ముహూర్తం కూడా నిర్ణ‌యించేసింది. ఏప్రిల్ 13న ఉగాది. ఆ రోజు..మ‌ధ్యాహ్నం 12 గంట‌ల 33 నిమిషాల‌కు ఈ సినిమా టైటిల్ ని ప్ర‌క‌టించ‌బోతున్నారు. ఇందులో బాల‌య్య రెండు గెట‌ప్పుల్లో క‌నిపించ‌నున‌న్నాడు. టైటిల్ తో పాటు.. బాల‌య్య రెండో పాత్ర‌కు సంబంధించిన లుక్ కూడా రివీల్ చేసే అవ‌కాశం ఉంది. ఈ చిత్రానికి త‌మ‌న్ సంగీతం అందిస్తున్నాడు. మిర్యాల ర‌వీంద‌ర్ రెడ్డి నిర్మాత.
