నంద‌మూరి బాల‌కృష్ణ - బోయ‌పాటి శ్రీ‌ను కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే. మేలో విడుద‌ల కానుంది. అయితే ఇప్ప‌టి వ‌ర‌కూ టైటిల్ చెప్ప‌లేదు. ఉగాది సంద‌ర్భంగా ఈ సినిమా టైటిల్ ప్ర‌క‌టిస్తామ‌ని చిత్ర‌బృందం చెప్పింది. అనుకున్న‌ట్టుగానే.. ఈ సినిమా టైటిల్ ప్ర‌క‌టించింది. ఈ చిత్రానికి `అఖండ` అనే టైటిల్ ఫిక్స్ చేశారు. ``హ‌ర‌హ‌ర మ‌హాదేవ శంభో కాలుదువ్వే నంది ముందు రంగు మార్చిన పంది కారు కూత‌లు కూస్తే క‌పాలం ప‌గిలిపోద్దీ...`` అనే బాల‌య్య డైలాగ్ తో ఓ టీజ‌ర్ క‌ట్ చేశారు.
ఈ సినిమాలో బాల‌య్య అఘోరాగా క‌నిపిస్తార‌ని ముందు నుంచీ చెబుతున్నారు. అఘోరా కాదు గానీ.. ఓ శివ భ‌క్తుడిగా ఆయ‌న క‌నిపించారు. చేతిలో త్రిశూలం, భుజానికి టాటూలు, స‌హ‌జ‌మైన హెయిర్ స్టైల్ తో.. బాల‌య్య లుక్ కాస్త కొత్త‌గ ఉంది. ఈ టీజ‌ర్ లో బోయ‌పాటి మార్క్ అడుగ‌డుగునా క‌నిపించింది. సింహా, లెజెండ్ త‌ర‌వాత వీరిద్ద‌రి కాంబినేష‌న్‌లో వ‌స్తున్న సినిమా ఇది. అవుట్ పుట్ వాటికి మించి ఉంటుంద‌న్న విష‌యం టీజ‌ర్ చెప్ప‌క‌నే చెబుతోంది.
