ప‌వ‌న్ క‌ల్యాణ్ స్టామినా ఏమిటో మ‌రోసారి అర్థ‌మైంది. `భీమ్లా నాయ‌క్‌` టీజ‌ర్ కి వ‌స్తున్న స్పంద‌న ప‌వ‌ర్ స్టార్ డ‌మ్, క్రేజ్ ల‌కు నిద‌ర్శ‌నం. ఆగ‌స్టు 15 సంద‌ర్భంగా `భీమ్లా నాయక్‌` గ్లిమ్స్ రిలీజ్ అయిన సంగ‌తి తెలిసిందే. ఈ గ్లిమ్స్‌... యూ ట్యూబ్ లో కొత్త రికార్డుల్ని సృష్టిస్తోంది. ఇప్ప‌టి వ‌ర‌కూ 8 మిలియ‌న్ల వ్యూస్ సంపాదించింది. లైకులు, షేర్లు, వ్యూస్ ప‌రంగా.. తొలి 24 గంట‌ల్లో కొత్త రికార్డుల్ని త‌న పేరిట లిఖించుకుంది. ప‌వ‌న్ తో పాటు రానా కూడా ఈ సినిమాలో న‌టిస్తున్న సంగ‌తి తెలిసిందే. సాగ‌ర్ చంద్ర ద‌ర్శ‌కుడు. త్రివిక్ర‌మ్ మాట‌లు అందించారు.

`భీమ్లా.. భీమ్లా నాయ‌క్.. ఏంటి చూస్తున్నావ్‌.. క్యాష్ష‌న్ లేద‌నా.. అఖ్క‌ర్లెద్దు.. బండెక్కు`... అంటూ ప‌వ‌న్ త‌న‌దైన శైలిలో ప‌లికిన డైలాగులు అభిమానుల్ని ఆక‌ట్టుకుంటున్నాయి. ప‌వ‌న్ స్టైల్‌, మేన‌రిజం, పౌరుషం... ఇవ‌న్నీ అభిమానుల‌కు న‌చ్చేశాయి. ప‌వ‌న్ ని ఇలా చూసి చాలా రోజులైంద‌ని కామెంట్లు వినిపిస్తున్నాయి. మొత్తానికి తొలి టీజ‌ర్ తోనే.. ఈ సినిమాపై అంచ‌నాలు ఆకాశానికి చేరాయి. సెప్టెంబ‌రు 2న ప‌వ‌న్ పుట్టిన రోజు. ఈ సంద‌ర్భంగా తొలి గీతాన్ని విడుద‌ల చేస్తున్నారు. ఆ పాట ఎన్ని రికార్డులు సృష్టిస్తుందో చూడాలి.