బిగ్ బాస్ 3 హంగామా మొద‌లైపోయింది. ఈనెల‌ జూలై 21న బిగ్ బాస్ 3కి శ్రీ‌కారం చుట్ట‌బోతున్నారు. నాగార్జున హోస్ట్‌గా క‌నిపించే 14 మంది విష‌యంలో ఇప్ప‌టికే ఓ అంచ‌నాకు వ‌చ్చిన‌ట్టు తెలుస్తోంది. వ‌రుణ్ సందేశ్‌, శ్రీ‌ముఖి, వైవా హ‌ర్ష‌, కె.ఏ పాల్‌, త‌రుణ్‌, ఉద‌య‌భాను, శ్రీ‌రెడ్డి, హేమ‌చంద్ర‌, తీన్మార్ సావిత్రి, ర‌ఘు మాస్ట‌ర్‌.. వీళ్లంద‌రి పేర్లూ చివ‌రి లిస్టులో ఉండే అవ‌కాశాలు క‌నిపిస్తున్నాయి. గ‌తేడాది సామాన్యుల జాబితాలోంచి ఇద్ద‌రికి చోటు ద‌క్కింది.

ఈసారి మాత్రం ఆ కేట‌రిగీ పూర్తిగా ప‌క్క‌న పెట్టేసిన‌ట్టు తెలుస్తోంది. వంద రోజుల పాటు సాగే రియాలిటీ షో ఇది. వైల్డ్ కార్డ్ ఎంట్రీ ద్వారా షోలోకి కొత్త కొత్త అతిథులు వ‌స్తూనే ఉంటారు. గ‌త రెండు సీజ‌న్‌ల‌తో పోలిస్తే ఈసారి సెల‌బ్రెటీలు కాస్త గ‌ట్టిగానే ఉండేట్టు చూసుకుంది బిగ్ బాస్ బృందం. మ‌రి... వీళ్లంతా బిగ్ బాస్ 3లో క‌నిపిస్తారా? లేదంటే. వీళ్ల‌ని మించిన సెల‌బ్రెటీల‌ను తీసుకొస్తారా? అనేది వేచి చూడాలి.