బిగ్ బాస్ 4 షో.. అట్ట‌హాసంగా పూర్త‌యిపోయింది. ఫైన‌ల్లో విన్న‌ర్ గా అభిజిత్ నిలిచాడు. మెగాస్టార్ చిరంజీవి చేతుల మీదుగా బిగ్ బాస్ ట్రోఫీని కూడా అందుకున్నాడు. ఈ ఫినాలేలో... ఎన్ని ప్ర‌త్యేక‌త‌లో. అందులో చిరంజీవి ముఖ్య అతిథిగా రావ‌డం.. చాలా ప్ర‌త్యేకంగా నిలిచింది. చిరు రాక... త‌న మాట.. ఇచ్చిన వాగ్థానాలు.. ఈ షోని మ‌రింత ర‌క్తి క‌ట్టించి, ఎమోష‌న‌ల్ గా క‌నెక్ట్ అయ్యేలా చేయించాడు.
సోహైల్, మెహ‌బూబా, దివిల‌కు చిరు వ‌రాలు కురిపించ‌డం ఈ షోకే హైలెట్. దివికి త‌న కొత్త సినిమా `వేదాళం` రీమేక్‌లో ఛాన్స్ ఇస్తాన‌ని చిరు ఈ వేదిక‌పై నుంచి ప్ర‌క‌టించాడు. చిన్న బడ్జెట్ లో ఓ సినిమా తీస్తా.. మీ ప్రోత్సాహం కావాలి అంటూ సోహైల్ అడిగితే.. `ఏం కావాల‌న్నా చేస్తా. నీ సినిమాలో ఓ చిన్న పాత్ర వేస్తా..` అంటూ బంప‌ర్ ఆఫ‌ర్ అందించారు.
మెహ‌బూబ్ ఇంటి కోసం సోహైల్ 5 ల‌క్ష‌లు ఇస్తానంటే.. దాన్ని కూడా మెహ‌బూబ్ అనాథాశ్ర‌మానికి ఇచ్చేయ‌డం చూసిన చిరు.. అక్క‌డిక‌క్క‌డే ప‌ది ల‌క్ష‌ల చెక్‌ని మెహ‌బూబ్ కి అందించారు. ఇదే వేదిక‌పై నాగ్ కూడా ప‌ది ల‌క్ష‌లు ఇస్తాన‌ని ప్ర‌క‌టించారు. అలా.. ఈ గ్రాండ్ ఫినాలేలో వ‌రాల జ‌ల్లు కురిసింది. చిరు త‌న మాట‌ల‌తో, వ‌రాల‌తో.. మ‌రోసారి అంద‌రివాడు అనిపించుకున్నాడు. అభిజిత్ ట్రోఫీ గెలిస్తే, చిరంజీవి అంద‌రి హృద‌యాల్నీ జ‌యించాడ‌ని... నెటిజ‌న్లు పొగ‌డ్త‌ల జ‌ల్లు కురిపిస్తున్నారు. ఎంతైనా మెగాస్టార్ మెగాస్టారే క‌దా?
