భోళాశంకర్ మూవీ డిజాస్టర్ తో మెగాస్టార్ చిరంజీవి కథల ఎంపికలో చాలా జాగ్రత్త తీసుకుంటున్నారు. ఇక నుంచి మొహమాటానికి పోయి ప్రాజెక్ట్స్ ఒప్పుకోకూడదని డిసైడ్ అయ్యి మంచి కథలపై వర్క్ చేస్తున్నారు. టాలెంట్ ఉంటే కొత్త దర్శకులకి కూడా అవకాశమిస్తున్నారు. ఈ నేపథ్యంలోనే బింబిసార డైరక్టర్ వశిష్ఠతో ‘విశ్వంభర’ మూవీ చేస్తున్నారు. యూవీ క్రియేషన్స్ బ్యానర్ పై భారీ బడ్జెట్ తో గ్రాఫికల్ వండర్ గా తెరకెక్కుతున్న ఈ మూవీ దాదాపు 70 శాతం VFX పైనే చిత్రీకరణ జరుపుకుంటోదని సమాచారం. ఈ మూవీ హీరోయిన్ త్రిష ఈ మధ్యే సెట్ లో అడుగుపెట్టింది.
విశ్వంభర మూవీ నుంచి లేటెస్ట్ అప్డేట్ ఒకటి వచ్చింది . ఈ సినిమాలో నటించేందుకు ఇద్దరు కవల పిల్లలు కావాలంటూ కాస్టింగ్ కాల్ ఇచ్చారు మేకర్స్. ఐదు సంవత్సరాలు లోపు ఉన్న ఇద్దరు మగ పిల్లలు కావాలంటూ పోస్ట్ చేశారు. కవలలు ఉన్నవారి పిల్లల డీటెయిల్స్ ని సెండ్ చేయాలంటూ సమాచారం ఇచ్చారు. ఆ పిల్లలకు సంబంధించిన వీడియోలను [email protected] మెయిల్ చేయడం లేదా +91-8977090354 నెంబర్ కి వాట్సాప్ గాని చేయాలంటూ పేర్కొన్నారు.
ఈ కాస్టింగ్ కాల్ తో ఈ సినిమాలో చిరంజీవి డ్యూయెల్ రోల్ లో కనిపించే ఛాన్స్ ఉందని ఊహాగానాలు మొదలయ్యాయి. ఇంటరెస్ట్, ఉన్నవారు ఈ ఛాన్స్ ని ఉపయోగించుకొని త్వరగా మీ పిల్లల వీడియోని సెండ్ చేసేయండి. ప్రస్తుతం ఈ పోస్టు నెట్టింట వైరల్ గా మారింది. సోషియో ఫాంటసీ యాక్షన్ థ్రిల్లర్ గా రూపొందుతున్న ఈ చిత్రంలో మొత్తం విశ్వాన్ని చూపించేందుకు దాదాపు 13 సెట్స్ ని నిర్మించారని టాక్. ఈ మూవీకి చోటా కే నాయుడు కెమెరా మెన్‌ కాగా, ఎం ఎం కీరవాణి సంగీతం అందిస్తున్నారు.
