రఘువరన్ B Tech చిత్రాన్ని ఒక అనువాద చిత్రంగా కాకుండా ఒక స్ట్రెయిట్ తెలుగు సినిమా రేంజ్ లో తెలుగునాట ఆదరించారు. ముఖ్యంగా ఈ చిత్రాన్ని యువకులు బాగా ఆదరించారు, దానికి కారణం ధనుష్ పోషించిన పాత్ర నిజజీవిత పాత్రకి దగ్గరగా ఉండడమే.
అయితే ఇప్పుడు ఆ చిత్రానికి సీక్వెల్ వస్తున్నది, అదే VIP2. ఈ చిత్రానికి సంబంధించిన ఒక కీలక నిర్ణయాన్ని ధనుష్ వెలువరించాడు. అదేంటంటే- VIP చిత్రం కథ ఒక రెండు పార్ట్శ్ లో ముగిసిపోయేది కాదని, VIP 3 & 4 భాగాలు కూడావస్తాయని తెలిపాడు. VIP కథకి తానే కథకుడు అవ్వడం వల్ల ఈ కథ యొక్క రీచ్ తనకి బాగా తెలుసు అని చెప్పుకొచ్చాడు.
ఇక ఈ చిత్రాన్ని తన పుట్టినరోజు సందర్భంగా జూలై28న ప్రపంచవ్యాప్తంగా విడుదల చేయనున్నట్టు ప్రకటించాడు. అలాగే తమ చిత్రంలో ముఖ్యపాత్ర పోషించిన బాలీవుడ్ నటి కాజోల్ కి ఈ సందర్భంగా కృతజ్ఞతలు చెప్పుకున్నాడు.
ఈ ప్రకటనతో VIP సినిమా అభిమానుల్లో ఆనందం నింపాడు.
