నేచురల్ స్టార్ నాని దసరా, హాయ్ నాన్న హిట్ లతో మంచి జోష్ మీదున్నాడు. నెక్స్ట్ ప్రాజెక్ట్ తో హాట్రిక్ కొట్టాలని చూస్తున్నాడు. దిల్ రాజ్ నానీ కాంబోలో ఎంసీఏ, నేను లోకల్ అనే రెండు సూపర్ హిట్ మూవీస్ వచ్చాయి. దీనితో దిల్ రాజ్ కూడా నానీ తో హాట్రిక్ కొట్టాలని చూస్తున్నాడు. ప్రజంట్ ఫుల్ ఫామ్ లో ఉన్న వీరిద్దరూ మళ్లీ కలిసి వస్తే సినీ ప్రియులకి కూడా పండగే. నానీ ప్రొడ్యూసర్ల హీరో. నానీతో మూవీ అంటే భారీ బడ్జెట్ లు అవసరం లేదు. మినిమమ్ హిట్ గారెంటీ.
నానితో ఓ సినిమా కోసం బలగం వేణు సంప్రదింపులు జరుపుతున్నాడని, ఇప్పటికే ఒక మీటింగ్ కూడా అయ్యిందని టాక్. నానికి కూడా కథ నచ్చటంతో గ్రీన్ సిగ్నల్ ఇచ్చారని సమాచారం. వేణు తెరకెక్కించిన 'బలగం' ఎంత హిట్ టాక్ తెచ్చుకుందో తెలిసిందే. అసలు ఎలాంటి అంచనాలు లేకుండా వచ్చి అందరి మనసులు దోచుకుంది. ఈ మూవీని దిల్ రాజు నిర్మించారు. వేణుతో చేయ బోయే రెండో సినిమాకి నానీ అయితే బాగుంటుందని దిల్ రాజ్ భావించాడు. ఈ క్రమంలోనే నానీతో చర్చలు జరుగుతున్నట్టు తెలుస్తోంది. బలగంతో అవార్డ్స్ , రివార్డ్స్ సాధించిన వేణు, దిల్ రాజ్ ఈ సారి ఏం చేస్తారో చూడాలి.
నాని శిబి చక్రవర్తి మూవీ చేయాల్సి ఉండగా అది క్యాన్సిల్ అయ్యింది. దీనితో పలువురు నిర్మాతలు నానితో ఓ ప్రాజెక్ట్ కోసం చర్చలు జరుపుతున్నారు. త్వరలో వెంకటేష్, నానిలతో త్రివిక్రమ్ ఓ మల్టీస్టారర్ చేయబోతున్నట్లు వార్తలు వస్తున్నాయి. నెక్స్ట్ దసరా ఫేమ్ శ్రీకాంత్ కూడా నానీతో ఓ సినిమాకి రెడీగా ఉన్నారు.
