ప్రొడ్యూసర్‌గానే కాకుండా, డిస్ట్రిబ్యూటర్‌గా కూడా దిల్‌ రాజు టేకప్‌ చేసిన సినిమాలు మంచి విజయం అందుకుంటాయి. సినిమాలో విషయం ఉందంటేనే దిల్‌రాజు ఆ సినిమాని టేకప్‌ చేస్తాడు. తన నిర్మాణంలో తెరకెక్కకపోయినా, ఆ సినిమాకి మంచి ప్రమోషన్‌ కూడా ఇస్తాడు. అంతేకాదు దిల్‌ రాజుది లక్కీ హ్యాండ్‌ కూడా. అలాగే చాలా చిన్న సినిమాలు దిల్‌ రాజు చేతుల మీదుగా విజయం అందుకున్నాయి. తాజాగా ఓ చిన్న సినిమా దిల్‌ రాజు దృష్టికి వచ్చింది. యాకూబ్‌ ఆలీ దర్శకత్వంలో తెరకెక్కుతోన్న 'వెళ్లిపోమాకే' చిత్రం. విశ్వక్‌ సేన్‌ హీరోగా నటిస్తున్నాడు ఈ చిత్రంలో. ఈ సినిమా స్టోరీ దిల్‌ రాజుకు చాలా బాగా నచ్చిందట. ఫీల్‌ గుడ్‌ లవ్‌స్టోరీగా తెరకెక్కుతోన్న ఈ చిత్రం ఈ నెల 17న విడుదల కానుంది. చిన్న సినిమాలను ప్రోత్సహిస్తే మరిన్ని మంచి సినిమాలు వస్తాయి అనేది దిల్‌ రాజు అభిప్రాయం. అందుకే మంచి సినిమా అంటే అది చిన్న సినిమానా.. పెద్ద సినిమానా.. అనేది అస్సలు ఆలోచించడు దిల్‌ రాజు. తన పూర్తి సపోర్ట్‌ని అందిస్తాడు. అలాగే 'వెళ్లిపోమాకే' సినిమాకి దిల్‌ రాజు ప్రోత్సాహం లభించింది. యూత్‌కి బాగా కనెక్ట్‌ అయ్యే కథాంశం ఈ సినిమాలో ఉండబోతోందట. అలాగే ఫ్యామిలీ ఆడియన్స్‌కి కూడా రీచ్‌ అవుతుందంటున్నాడు దిల్‌రాజు. డైరెక్టర్‌ ఈ సినిమాని సింపుల్‌గా చాలా టెక్నికల్‌గా తెరకెక్కించాడట. చూద్దాం. దిల్‌ రాజు సపోర్ట్‌తో వస్తోన్న ఈ సినిమా ఏ స్థాయిలో సక్సెస్‌ని సొంతం చేసుకుంటుందో!