వ‌రుస విజ‌యాల‌తో దూకుడు మీదున్నాడు ఎన్టీఆర్‌. త‌న‌తో సినిమా చేయ‌డానికి ద‌ర్శ‌కులు, నిర్మాత‌లూ ఎగ‌బ‌డుతున్నారు. తాను మాత్రం ఆచితూచి క‌థ‌లు ఎంచుకుంటున్నాడు. ప్ర‌స్తుతం `ఆర్‌.ఆర్‌.ఆర్‌`తో బిజీగా ఉన్న ఎన్టీఆర్‌... ఆ వెంట‌నే త్రివిక్ర‌మ్ సినిమా మొద‌లెట్టేస్తాడు. ఈలోగా కొంత‌మంది ద‌ర్శ‌కులు ఎన్టీఆర్ కోసం క‌థ‌లు సిద్ధం చేసే ప‌నిలో ఉన్నారు. ఎన్టీఆర్ - కొర‌టాల శివ కాంబినేష‌న్‌లో ఓ సినిమా రాబోతోంద‌ని విశ్వ‌సనీయ వ‌ర్గాలు చెబుతున్నాయి. `ఆచార్య‌` పూర్త‌య్యాక ఈ ప్రాజెక్టు ఉండొచ్చు.

త‌మిళ ద‌ర్శ‌కులు అట్లీ, ప్ర‌శాంత్ నీల్ ఇప్ప‌టికే ఎన్టీఆర్‌తో సంప్ర‌దింపులు జ‌రిపారు. వాళ్ల‌లో అట్లీ క‌థ‌కు ఇది వ‌ర‌కే ఓకే చెప్పాడు ఎన్టీఆర్‌. క‌ల్యాణ్ రామ్ బ్యాన‌ర్ ఎన్టీఆర్ ఆర్ట్స్ లో ఓ సినిమా చేయాల‌ని భావిస్తున్నాడు ఎన్టీఆర్‌.న అందుకోసం క‌థ‌లు రెడీ అవుతున్నాయి. సో.. ఎన్టీఆర్ తో సినిమా చేయాల‌నుకున్న ద‌ర్శ‌కులు మ‌రో రెండు మూడేళ్ల‌యినా ఆగాల్సిందే అన్న‌మాట‌.