మహేష్‌ కొత్త సినిమా 'స్పైడర్‌' టీజర్‌ యూ ట్యూబ్‌లో సంచలనాలకు తెర లేపింది. ఇంతవరకూ రామ్‌ చరణ్‌, పవన్‌ కళ్యాణ్‌, అల్లు అర్జున్‌, తదితర హీరోల సినిమాల టీజర్లు యూ ట్యూబ్‌లో సంచలనాలు సృష్టించగా, ఇప్పుడు ఆ వంతు మహేష్‌ వద్దకు వచ్చింది. ఈ రోజు ఉదయం 10 గంటల 30 నిముషాలకు విడుదలైన 'స్పైడర్‌' టీజర్‌ సాయంత్రం అయ్యేసరికి 18 లక్షల వ్యూస్‌ సాధించేసింది. ఇక 24 గంటలు దాటేలోగా మహేష్‌ 'స్పైడర్‌' ఇంకెన్ని వ్యూస్‌ సాధించి ఏ రికార్డుల దిశగా పరుగెడుతుందో చూడాలి. 'బ్రహ్మూెత్సవం' సినిమాతో మహేష్‌ ఫ్యాన్స్‌ చాలా డిజప్పాయింట్‌ అయ్యారు. దాంతో అభిమానుల ఆశలన్నీ 'స్పైడర్‌'పైనే. ఈ సినిమాపై భారీగా అంచనాలు కూడా నెలకొన్నాయి. మురుగదాస్‌ డైరెక్షన్‌లో మహేష్‌ కెరీర్‌లోనే భారీ బడ్జెట్‌ మూవీగా తెరకెక్కుతోన్న ఈ సినిమా టీజర్‌ విడుదలయ్యాక అంచనాలను రెట్టింపు చేసింది. మహేష్‌ రోబో స్పైడర్‌ దుమ్ము రేపేస్తోంది. విజువల్‌ ఎఫెక్ట్స్‌కి ఈ సినిమాలో అత్యంత ప్రాధాన్యం ఇచ్చారనిపిస్తోంది. స్పై కాప్‌గా నటిస్తున్నాడు మహేష్‌ ఈ సినిమాలో. తమిళ కాస్టింగ్‌ ఈ సినిమాలో ఎక్కువగానే ఉంది. తమిళ నటులు ఎస్‌.జె.సూర్య, భరత్‌ ఈ సినిమాలో కీలకపాత్రల్లో నటిస్తున్నారు. తెలుగు, తమిళ భాషల్లో ఒకేసారి రూపొందుతోన్న సినిమా ఇది. రకుల్‌ ప్రీత్‌ సింగ్‌ హీరోయిన్‌గా నటిస్తోంది. దసరా కానుకగా ఈ సినిమా ప్రేక్షకుల ముందుకు రానుంది. సెప్టెంబర్‌లో సినిమా విడుదల కానుంది.