కాలేజ్‌ బోయ్‌ క్యారెక్టర్‌లో ఎంట్రీ ఇచ్చాడు 'హ్యాపీ డేస్‌' సినిమాలో నిఖిల్‌. క్యూట్‌గా చాక్లెట్‌ బోయ్‌లా అందరి దృష్టినీ ఆకర్షించాడు ఆ సినిమా ద్వారా నిఖిల్‌. ఆ తర్వాత నిఖిల్‌ చేసి పాత్రలన్నీ అలాంటి పాత్రలే. లవర్‌ బోయ్‌లా అమ్మాయిల మనసుల్ని కొల్లగొట్టేశాడు. 'స్వామి రారా', 'కార్తికేయ' 'సూర్య వెర్సస్‌ సూర్య' తదితర చిత్రాలతో నిఖిల్‌ ట్రాక్‌ మార్చేశాడు. ప్రయోగాత్మక చిత్రాలకు తెర లేపాడు. డిఫరెంట్‌ కాన్సెప్ట్‌ స్టోరీస్‌ని ఎంచుకుంటూ సక్సెస్‌ బాట పట్టాడు. నిఖిల్‌ కెరీర్‌లో ది బెస్ట్‌ మూవీగా నిలిచిన చిత్రం 'కార్తికేయ'. చందు మొండేటి దర్శకత్వంలో ఈ సినిమా తెరకెక్కింది. సస్పెన్స్‌ థ్రిల్లింగ్‌ కాన్సెప్ట్‌తో తెరకెక్కిన ఈ సినిమా విమర్శకుల ప్రశంసలు అందుకుంది. ఆ సినిమాకి సీక్వెల్‌ చేయాలన్నది నిఖిల్‌ ఆలోచనట. 'కార్తికేయ 2'కి త్వరలోనే శ్రీకారం చుట్టనున్నాడట యంగ్‌ హీరో నిఖిల్‌. అంతకన్నా ముందు నిఖిల్‌ ఓ రొమాంటిక్‌ స్టోరీలో నటిస్తాడట. ప్రస్తుతం నిఖిల్‌ నటించిన 'కేశవ' సినిమా విడుదలకు సిద్ధమైంది. ఇదో రివేంజ్‌ డ్రామా. డిఫరెంట్‌ స్టోరీనే. ఈ సినిమాలో నిఖిల్‌ మెచ్చూర్డ్‌ లుక్‌తో రఫ్‌గా కనిపిస్తున్నాడు. రీతూ వర్మ, ఇషా కొప్పికర్‌ హీరోయిన్లుగా నటిస్తున్నారు ఈ సినిమాలో. ఈ సినిమా తర్వాత నిఖిల్‌ చేయబోయే రొమాంటిక్‌ మూవీలో, నిఖిల్‌ ఎనర్జిటిక్‌ కాలేజ్‌ కుర్రోడిలా నటించనున్నాడట. ఫీల్‌ గుడ్‌ రొమాంటిక్‌ ఎంటర్‌టైనర్‌లా ఈ సినిమా తెరకెక్కనుందట. త్వరలోనే ఈ సినిమా గురించి మరిన్ని వివరాలు వెల్లడి కానున్నాయి. అదండీ మన రొమాంటిక్‌ హీరో నిఖిల్‌ సంగతి.
