ముద్దుగుమ్మ త్రిష హీరోయిన్‌గా ఓ వెలుగు వెలిగింది. అగ్ర హీరోలందరితోనే జత కట్టింది. పెళ్లి వార్తలతో హాట్‌ హాట్‌గా న్యూస్‌లోకెక్కిన త్రిష, నిశ్చితార్ధం అయిన తర్వాత పెళ్లిని బ్రేకప్‌ చేసుకుంది. పెళ్లి బ్రేకప్‌ అయిన తర్వాత ఆమె కెరీర్‌లో మళ్లీ బిజీ అయిపోయింది. సెకండ్‌ ఇన్నింగ్స్‌లో త్రిష మరింత లక్కీ గాళ్‌ అయిపోయింది. తెలుగులో పెద్దగా అమ్మడికి అవకాశాల్లేకపోయినా, కానీ తమిళంలో మాత్రం ఎదురే లేకుండా పోయింది. ప్రస్తుతం ఆమె తమిళంలో నటించిన సినిమాలన్నీ హిట్సే. అంతేకాదు ఆమె చేతిలో ప్రస్తుతం తొమ్మిది నుండి పది వరకూ సినిమాలున్నాయి. అన్నీ బిగ్‌ ప్రాజెక్ట్సే. అందులోనూ హీరోయిన్‌ సెంట్రిక్‌ మూవీసే ఎక్కువ ఉన్నాయి. ఈ పది సినిమాల్లోనూ మూడు సినిమాలు ఈ ఏడాదే ప్రేక్షకుల ముందుకు రానున్నాయట. ఆ మూడు సినిమాలు డిఫరెంట్‌ కాన్సెప్ట్‌ ఉన్న సినిమాలే కావడం విశేషం. అందులో 'మోహిని' ఒకటి. 'మోహిని' హారర్‌ థ్రిల్లర్‌ మూవీ కాగా, మరో సినిమా సస్పెన్స్‌ థ్రిల్లర్‌ కాన్సెప్ట్‌తో తెరకెక్కుతోందట. ఈ ఏడాది తన నుండి మూడు సినిమాలు వస్తున్నందుకు త్రిష ఆనందానికి అవధుల్లేకుండా పోయాయి. ఇంతవరకూ ఇంత బిజీగా తన కెరీర్‌లో త్రిష మునుపెన్నడూ లేదని, ఆమె స్వయంగా చెబుతోంది. మరి తమిళంలో త్రిషకు ఆఫర్స్‌ వరుస కడుతూంటే, తెలుగులో మాత్రం ఆమెని అవకాశాలు వరించడం లేదు. మంచి అవకాశం వస్తే తెలుగులోనూ రీ ఎంట్రీ ఇవ్వడానికి అందాల భామ త్రిష రెడీగానే ఉందట. మరింకేం ఈ విషయాన్ని మన దర్శక, నిర్మాతలు గమనించాలి మరి.