అల్లు అర్జున్‌ హీరోగా వస్తోన్న కొత్త చిత్రం 'దువ్వాడ జగన్నాధమ్‌'. ఈ సినిమాలో అల్లు అర్జున్‌ బ్రాహ్మణ యువకుడిగా నటిస్తున్న సంగతి తెలిసిందే. తాజాగా ఈ సినిమాకి సంబంధించి విడుదలైన ఫస్ట్‌లుక్‌ పోస్టర్‌ చాలా సాఫ్ట్‌గా ఉంది. ఓ స్కూటర్‌లో అల్లు అర్జున్‌ పంతులు గెటప్‌లో కూరగాయలు మోస్తూ ఉన్నట్లుగా ఉన్న ఆ లుక్‌కే ఎంతో రెస్పాన్స్‌ వచ్చింది. అయితే ఫస్ట్‌లుక్‌ కోసం మరింత ఎక్కువ ఎక్స్‌పెక్ట్‌ చేశారు ఫ్యాన్స్‌. అయితే ఈ లుక్‌లో బన్నీ చాలా కూల్‌గా కనిపిస్తున్నాడు. హరీష్‌ శంకర్‌ డైరెక్షన్‌లో తెరకెక్కుతోంది ఈ చిత్రం. సాధారణంగా హరీష్‌ శంకర్‌ సినిమాల్లో హీరోలు చాలా పవర్‌ఫుల్‌గా ఉంటారు. హరీష్‌వి ఏ సినిమా తీసుకున్నా అంతే. కానీ ఈ సినిమాలో అల్లు అర్జున్‌ గెటప్‌కి సంబంధించి అంత పవర్‌ ఫుల్‌ కనిపించడం లేదు. కానీ ఇది జస్ట్‌ ట్రైల్‌ మాత్రమే. టీజర్‌లో ఉంది అసలు సిసలు మజా అంటోంది చిత్ర యూనిట్‌. అంటే టీజర్‌లో హరీష్‌ శంకర్‌, హీరో పవర్‌ అంతా చూపించేలా ప్లాన్‌ చేస్తున్నాడట. శివరాత్రికి ఈ సినిమా టీజర్‌ విడుదల కానుంది. పంతులు గెటప్‌ అయినా కానీ, పవర్‌కేమీ లోటుండదు అనే విషయం ఆ టీజర్‌లో బన్నీ చూపించనున్నాడట. అందుకే టీజర్‌ కోసం జనం ఆశక్తిగా ఎదురు చూస్తున్నారు. ఈ సినిమాలో ముద్దుగుమ్మ పూజా హెగ్దే హీరోయిన్‌గా నటిస్తోంది. సమ్మర్‌లో ఈ సినిమా ప్రేక్షకుల ముందుకు తీసుకొచ్చేందుకు సన్నాహాలు చేస్తోంది చిత్ర యూనిట్‌.