పెంగ్విన్‌, వి, బుజ్జిగాడు, నిశ్శ‌బ్దం... ఇలా ఓటీటీలో విడుద‌లైన సినిమాల‌న్నీ డిజాస్ట‌రైపోయాయి. ఓటీటీలో సినిమా అంటే `అది ఫ్లాపే` అని ముందే ఫిక్స‌యిపోతున్నారు సినీ అభిమానులు. ఓ విధంగా చెప్పాలంటే ఎవ్వ‌రికీ ఓటీటీ విడుద‌ల క‌ల‌సి రాలేదు. ఈ సెంటిమెంట్ చూసి - మెగా ఫ్యాన్స్ ఇప్పుడు భ‌య‌ప‌డిపోతున్నారు. కార‌ణం.. మెగా మేన‌ల్లుడు సాయిధ‌ర‌మ్ తేజ్ క‌థానాయ‌కుడిగా న‌టించిన `సోలో బ‌తుకే సో బెట‌రు` సినిమా ఓటీటీలోనే విడుద‌ల కాబోతోంది. జీ 5 ఈ సినిమాకి సంబంధించిన హ‌క్కుల్ని కొనుగోలు చేసిన సంగ‌తి తెలిసిందే.

అతి త్వ‌ర‌లో ఈ సినిమాని జీ 5 లో ప్ర‌ద‌ర్శించ‌నున్నారు. ప్ర‌స్తుతం ట్రెండ్ ని చూస్తే.. ఓ టీ టీ లో విడుద‌లైన సినిమాల‌న్నీ ఫ్లాప‌య్యాయి. దాంతో సాయి ధ‌ర‌మ్ తేజ్ సినిమా కూడా అంతేనా? అన్న సందేహాలు వ్య‌క్తం అవుతున్నాయి. ప్ర‌తీరోజూ పండ‌గే సినిమాతో మ‌ళ్లీ ట్రాక్ లోకి వ‌చ్చాడు తేజ్‌. ఈ ఫామ్ ని త‌దుప‌రి సినిమాలోనూ క‌న‌బ‌ర‌చాల‌ని అనుకుంటున్నాడు. అయితే.. థియేట‌ర్ల‌కు అనుమ‌తులు లేక‌పోవ‌డంతో ఓటీటీకి సినిమాని అమ్ముకోవాల్సివ‌చ్చింది. ఈ నేప‌థ్యంలో.. తేజూ సినిమా భ‌విష్య‌త్తేంట‌న్న ఆందోన‌ళ వ్య‌క్తం అవుతోంది. ఫ్లాప్ సెంటిమెంట్ ని తేజూ కొన‌సాగిస్తాడా, లేదంటే... దాన్ని బ్రేక్ చేస్తాడా? అనేదే పెద్ద ప్ర‌శ్న‌.