రాజేంద్ర ప్రసాద్‌ హీరోగా అప్పట్లో వచ్చిన 'లేడీస్‌ టైలర్‌' సంచలనం గురించి ప్రత్యేకించి చెప్పనక్కర్లేదు. ఆ సినిమాని ఎవ్వరూ మర్చిపోలేరు. ఇన్నాళ్ల తర్వాత ఆ సినిమాకి సీక్వెల్‌ రాబోతోంది. వంశీ డైరెక్షన్‌లో రాబోతున్న ఈ సినిమా సీక్వెల్‌లో హీరోగా సుమంత్‌ అశ్విన్‌ నటిస్తున్నాడు. ఈ సినిమాకి టైటిల్‌గా 'ఫ్యాషన్‌ డిజైనర్‌.. సన్నాఫ్‌ లేడీస్‌ టైలర్‌' అనే టైటిల్‌ పెట్టి స్టార్టింగ్‌లోనే ఇంట్రెస్ట్‌ క్రియేట్‌ చేసేశాడు క్రియేటివ్‌ డైరెక్టర్‌ వంశీ. అనీషా ఆంబ్రోస్‌ హీరోయిన్‌గా నటిస్తోంది ఈ సినిమాలో. ఈ సినిమా ప్రీ లుక్‌ రిలీజ్‌ అయ్యింది. ఆ లుక్‌ కూడా చాలా డిఫరెంట్‌గా ఉంది. మంచి రెస్పాన్స్‌ అందుకుంటోంది. నాటి మేటి లేడీస్‌ టైలర్‌' చిత్రానికి ఏ మాత్రం తీసిపోదట ఎంటర్‌టైన్‌ చేయడంలో ఈ సినిమా. అలాగే ప్రస్తుతం ట్రెండ్‌కి తగ్గట్లుగా అన్ని హంగులూ ఉండబోతున్నాయంటున్నారు. మధుర శ్రీధర్‌ నిర్మాణంలో ఈ సినిమా రూపొందుతోంది. వంశీ సినిమాలంటేనే నేచురల్‌ లొకేషన్స్‌తో ఆకట్టుకునేలా ఉంటాయి. అలాగే ఈ సినిమాలో కూడా లొకేషన్స్‌కి ప్రాధాన్యత ఉంటుందట. సీనియర్‌ మ్యూజిక్‌ డైరెక్టర్‌ మణి శర్మ ఈ సినిమాకి బాణీలు అందిస్తున్నారు. యంగ్‌ హీరో సుమంత్‌ అశ్విన్‌ కెరీర్‌లో ఈ సినిమా ఓ బెస్ట్‌ మూవీగా నిలవనుంది. ఈ సినిమాని త్వరలోనే విడుదల చేయనున్నారు.