గోపీచంద్ - బి.గోపాల్ కాంబినేష‌న్‌లో ఎప్పుడో మూడేళ్ల క్రితం ఓ సినిమా మొద‌లైంది. డ‌బ్బులున్న‌ప్పుడు షూటింగ్ చేస్తూ, లేన‌ప్పుడు మానేస్తూ.. మొత్తానికి ఈ సినిమా పూర్తి చేయ‌గ‌లిగారు. పీవీపీ స‌హాయంతో ఇప్పుడు రిలీజ్‌కీ నోచుకొంది. అదే ఆర‌డుగుల బుల్లెట్‌. గోపీచంద్, న‌య‌న‌తార జంట‌గా న‌టించిన చిత్ర‌మిది. నిర్మాణానంత‌ర కార్య‌క్ర‌మాలు కూడా పూర్త‌య్యాయి. ఇప్పుడు రిలీజ్ డేట్ కూడా ఫిక్స‌య్యింది. జూన్ 9న ఈ చిత్రాన్ని విడుద‌ల చేయాల‌ని చిత్ర‌బృందం స‌న్నాహాలు చేస్తోంది. ''సినిమా ఆల‌స్య‌మైన మాట నిజ‌మే. కాక‌పోతే ఫైన‌ల్ అవుట్ పుట్ బాగా వ‌చ్చింది. బి. గోపాల్ ఇది వ‌ర‌కు ఎన్నో బ్లాక్‌బ్ల‌స్ట‌ర్స్ ఇచ్చారు. వాటిలో ఈ సినిమా కూడా చేరుతుంది'' అని కాన్ఫిడెన్స్‌గా చెబుతున్నాడు గోపీచంద్‌. వ‌క్కంతం వంశీ క‌థ అందించిన ఈ చిత్రానికి అబ్బూరి ర‌వి సంభాష‌ణ‌లు రాశారు. మ‌ణిశ‌ర్మ బాణీలు అందించిన ఈ సినిమాలో ఆరు పాటలున్నాయి. అయితే.. చివ‌రి రోజుల్లో న‌య‌న షూటింగుల‌కు డుమ్మా కొట్ట‌డంతో నాలుగు పాట‌లే తెర‌కెక్కించారు. రెండు పాట‌లు లేకుండానే ఈ సినిమాని విడుద‌ల చేయ‌డానికి రంగం సిద్ధం చేశారు. ఈనెల 9న అమీతుమీ, వైశాఖం, జ‌య‌దేవ్ సినిమాలు విడుద‌ల అవుతున్నాయి. వాటితో పాటుగా బుల్లెట్ కూడా బ‌రిలోకి దిగ‌బోతోంది.