ముద్దు ముద్దుగా, బొద్దు అందాలతో ఆకట్టుకునే గ్లామర్‌ హన్సికది. తెలుగులో 'దేశముదురు' సినిమాతో పాలు గారే తన అందాలను విందు చేసింది. ఆ తర్వాత ఈ ముద్దుగుమ్మ పలు తెలుగు చిత్రాల్లో నటించింది. ఇప్పుడు ఆమెకు తెలుగులో కన్నా తమిళంలో ఎక్కువ పాపులారిటీ సంపాదించుకుంది. ఓ పక్క మలయాళ సినిమా 'విలన్‌' షూటింగ్‌లో బిజీగా గడుపుతోంది బొద్దుగుమ్మ హన్సిక. ఇదే కాదు ఇంకో వైపున తమిళ సినిమా 'గులేబకావళి' సినిమా షూటింగ్‌కి హాజరవుతోంది. ఈ రెండే కాకుండా తెలుగులో 'గౌతమ్‌ నందా' సినిమా షూటింగ్‌లో పాల్గొనాలి కదా! గోపీచంద్‌ హీరోగా తెరకెక్కుతోన్న సినిమా ఇది. ఈ సినిమా కోసం అమ్మడు భాగ్య నగరం వైపు కూడా తొంగి చూడాల్సి వస్తోంది. ఇలా హన్సిక హైద్రాబాద్‌, చెన్నయ్‌, కేరళ అంటూ పలుచోట్ల బిజీ బిజీగా చక్కర్లు కొట్టేస్తోంది. దాంతో ఒకేసారి అటూ ఇటూ తిరుగుతుండడం వల్ల చిన్నపాటి అనారోగ్యానికి కూడా గురయ్యిందామె. అయితే పనిచేసుకుంటూ పోతే అలసట, అనారోగ్యం తెలియదని హన్సిక చెప్పింది. కెరీర్‌లో ఇంకా ఎదగాలంటే ఇవసలు సమస్యలే కావని, ఇంతకన్నా పెద్ద సమస్యలొచ్చినా అధిగమించాలని హన్సిక చెబుతుంటుంది. తెలుగులో ఆమె నటిస్తోన్న 'గౌతమ్‌ నందా' సినిమా త్వరలోనే ప్రేక్షకుల ముందుకు రానుంది.
