బెల్లీ బ్యూటీ ఇలియానా, ఫొటోగ్రాఫర్‌ ఆండ్రూ మధ్య చాలాకాలంగా ప్రేమ వ్యవహారం నడుస్తోంది. చాలా సందర్భాల్లో ఈ ఇద్దరూ కలిసి కెమెరాలకు చిక్కారు. అప్పట్లో ఈ విషయం ఇలియాని వద్ద ప్రస్థావించగా, ఆండ్రూ తనకి మంచి ఫ్రెండ్‌ మాత్రమే అంది. అయితే ఆ తర్వాత ఈ ఫ్రెండ్‌షిప్‌కి బ్రేకప్‌ చెప్పేసుకున్నారు కూడా. తర్వాత మళ్లీ కలిశారు. 

ఈ సారి కలవడం చాలా స్ట్రాంగ్‌గా కలిశారంట. కొన్నాళ్లు సహజీవనం కూడా చేశారు ఇలియానా, ఆండ్రూ. ఈ మధ్యనే సోషల్‌ మీడియాలో ఓ ఫోటో పోస్ట్‌ చేసి 'మై బెటర్‌ హాఫ్‌' అని హ్యాష్‌టాగ్‌ పెట్టింది. దాంతో 'ఇలియానాకి పెళ్లయిపోయిందా' అనే వార్తలు జోరుగా వినిపించేసరికి, వాటిని సున్నితంగా ఖండించింది ఈ ముద్దుగుమ్మ. అంతేకాదు, నా పెళ్లి అంత ఇంపార్టెంట్‌ మేటరా? మీకు అని ఎదురు ప్రశ్నలు కూడా సంధించిందీ బ్యూటీ. 

అయితే తాజాగా ఇన్‌స్ట్రాగ్రామ్‌లో ఓ ఫోటో పోస్ట్‌ చేసిందీ బెల్లీ బ్యూటీ. ఆ ఫోటోపై 'మై హబ్బీ' అని రాసుంది. హజ్‌బెండ్‌ అని రాసుందంటే, ఇలియానా, ఆండ్రూని పెళ్లి చేసుకున్నట్లే భావించాలి. తెలుగులో 'దేవదాసు' సినిమాతో పరిచయమైన బ్యూటీ ఇలియానా. తొలి సినిమాతోనే మంచి విజయం అందుకుంది. ఆ తర్వాత 'పోకిరి, జులాయి' తదితర సూపర్‌ హిట్‌ చిత్రాల్లో నటించింది. 

స్టార్‌ హీరోయిన్‌గా ఓ వెలుగు వెలిగింది. ప్రస్తుతం తెలుగుకి టాటా చెప్పేసి, బాలీవుడ్‌కి చెక్కేసింది. అక్కడ సినిమాలతో బిజీగా ఉంది. క్రిస్‌మస్‌ సందర్భంగా ఇలియానా ఫోటోని పోస్ట్‌ చేస్తూ..ఇది నా హబ్బీ ఆండ్రూ తీసిన ఫోటో అని చెప్పింది. అంటే ఇలియానాకి పెళ్లయిపోయిందనే భావించాలి.