2024 సంక్రాంతికి 5 తెలుగు సినిమాలు రిలీజ్ కానున్నాయని సినీ ప్రియులు ఆనందంగా ఉన్నారు. అందరూ సీనియర్ హీరోల సినిమాలే. మహేష్ , వెంకటేష్, నాగార్జున, రవి తేజ, తేజా సజ్జా హనుమాన్. కానీ మహేష్ గుంటూరు కారం మూవీ ఎక్కువ థియేటర్స్ ఆక్యుపే చేయటంతో మిగతా వాటికి థియేటర్స్ కొరత ఏర్పడింది. ఈ నేపథ్యంలోనే వెంకీ, నాగ్ , తేజా మూవీస్ పోస్ట్ ఫోన్ చేసుకుంటే బాగున్ను అనే టాక్ వినిపిస్తోంది. కానీ అనూహ్యంగా మాస్ మహారాజ్ రవితేజ యాక్షన్ థ్రిల్లర్ మూవీ 'ఈగల్' సంక్రాతి బరి నుంచి తప్పుకుందని టాక్ వినిపిస్తోంది.
సినిమాటోగ్రాఫర్ కార్తీక్ ఘట్టమనేని తెర కెక్కించిన ఈ మూవీలో అనుపమ పరమేశ్వరన్, కావ్య థాపర్ హీరోయిన్లుగా నటిస్తున్నారు. సంక్రాంతికి ఈగల్ తో ఒక డిఫరెంట్ మాస్ యాక్షన్ సబ్జెక్ట్ తో వస్తున్నామని మేకర్స్ చెప్పారు. ఈ సినిమా టీజర్, ట్రైలర్స్ కూడా ఆడియన్స్ ని ఆకట్టుకునేలా చేసి ఆడియన్స్ లో ఆసక్తి పెంచారు. రీసెంట్ గా సెన్సార్ కి వెళ్లిన ఈ మూవీకి కట్ కూడా లేకుండా U/A సర్టిఫికెట్ ఇచ్చారు. ఈ న్యూస్ విన్న ఫాన్స్ సంతోషంలో ఉండగానే ఇప్పుడు ఈ సినిమా సంక్రాంతికి రావటం లేదన్న వార్త షాక్ ఇచ్చింది.
ఇన్ని సినిమాల మధ్య థియేటర్స్ దొరకడం లేదని, ఇలా తక్కువ థియేటర్స్ తో రావడం కంటే కొంచెం ఆగి రావడం బెటర్ అని ఈగల్ టీం ఈ నిర్ణయం తీకునట్లు తెలుస్తోంది. అందుకనే ఈ చిత్రాన్ని జనవరి 26కి పోస్టుపోన్ చేసినట్లు సమాచారం. అఫీషియల్ గా ఎలాంటి అనౌన్స్ మెంట్ ఇంకా రాలేదు. ఒకటి రెండు రోజుల తరవాత ఏ విషయం తెలియనుంది. ఈగల్ సంక్రాతికి రావటం ఇప్పటికైతే ఫిఫ్టీ ఫిఫ్టీ ఛాన్స్ అని ఫిల్మ్ వర్గాల టాక్.
