వారాహి సంస్థ నిర్మిస్తోన్న 'పటేల్‌ సర్‌' సినిమా. జగపతిబాబు ముఖ్య పాత్రలో తెరకెక్కుతోంది ఈ సినిమా. ఓ చిన్నారిని రక్షించడమే పటేల్‌ సర్‌ బాధ్యతగా ప్రీ లుక్‌ టీజర్‌ని చూస్తే అర్థమవుతుంది. ఈ టీజర్‌తోనే ఎక్స్‌పెక్టేషన్స్‌ కలిగించేశాడు జగపతిబాబు. ఇదో సస్పెన్స్‌ థ్రిల్లర్‌ మూవీ. స్టైలిష్‌ మాస్‌ లుక్‌తో జగపతిబాబు అదరగొట్టేస్తున్నాడు. కండలు తిరిగిన బాడీతో జగపతిబాబు యాక్షన్‌ సీన్స్‌ అదిరిపోయేలా ఉండనున్నాయన్న సంగతి జస్ట్‌ శాంపిల్‌గా అయినా టీజర్‌తోనే దుమ్ము దులిపి తెలిపేసింది చిత్ర యూనిట్‌. ఈ జులైలోనే సినిమా విడుదల కాబోతోందట. ప్రీ లుక్‌ టీజర్‌తో సరికొత్త ట్రెండ్‌కి తెరలేపింది వారాహి సంస్థ. అలాగే సినిమా షూటింగ్‌ శరవేగంగా పూర్తి చేసేసి, సినిమాని విడుదలకు సిద్ధం చేసేస్తున్నారు. జగపతిబాబు కెరీర్‌లోనే ది బెస్ట్‌ మూవీ అవుతుందట. జగపతిబాబు రఫ్‌ లుక్‌ సినిమాకి మెయిన్‌ హైలైట్‌గా చెప్పొచ్చు. కండలు తిరిగిన శరీరంతో జగపతిబాబుని ఇలా కృష్ణవంశీ 'సముద్రం' సినిమాలో చూశాం. అప్పటికీ ఇప్పటికీ వయసులో చాలా తేడా అయినా, ఫిజిక్‌లో అదే ఫిట్‌నెస్‌. దటీజ్‌ జగపతిబాబు. ప్రస్తుతం నెగిటివ్‌ రోల్స్‌కి ట్రెండీ లుక్‌ని ఆపాదించాడు జగపతిబాబు. ఓ పక్క నెగిటివ్‌ రోల్స్‌తో పాటు, క్యారెక్టర్‌ ఆర్టిస్టుగానూ హుందా అయిన పాత్రల్ని ఎంచుకుంటున్నాడు జగపతిబాబు. టాలీవుడ్‌లోనే కాదు, ఇతర భాషల్లో కూడా జగపతిబాబు బిజీగా గడుపుతున్నాడు. జగపతిబాబు హీరోగా ప్రస్తుతం రాబోతున్న ఈ 'పటేల్‌ సర్‌' సినిమాతో లేటు వయసులో కూడా హీరోగా సత్తా చాటేలా ఉన్నాడు మన జగ్గూ భాయ్‌.
