సాయి ధరం తేజ్ జవాన్ మూవీ బాక్స్ ఆఫీస్ వద్ద దూసుకుపోతున్నది అనే చెప్పాలి. ఇప్పటివరకు సాయి కెరీర్ లో బెస్ట్ ఓపెనింగ్స్ ఈ చిత్రానికి వచ్చినట్టు ట్రేడ్ వర్గాల సమాచారం.

మొదటిరోజున జవాన్ కి ప్రపంచవ్యాప్తంగా సుమారు రూ 6కోట్లు (గ్రాస్) & రూ 3.75 కోట్ల (షేర్) వసూలు చేసినట్టు తెలుస్తున్నది. ఇక రెండు తెలుగు రాష్ట్రాలలో రూ 4.5 కోట్ల గ్రాసు కలెక్ట్ చేయడంతో ప్రేక్షకులు జవాన్ ని బాగా ఆదరించారు అని చెప్పొచ్చు. 

ఇక జవాన్ తో పాటుగా రిలీజ్ అయిన చిత్రాలు ఏవి కూడా మంచి టాక్ సంపాదించుకోలేకపోవడం ఈ చిత్రానికి కలిసొచ్చిన అంశం. రెండో రోజు కూడా బాక్స్ ఆఫీస్ వద్ద జవాన్ వసూళ్ళ పరంగా బాగానే నడిచినట్టు సంచారం.

ఈరోజు సెలవు కావడంతో మూడురోజుల కలెక్షన్స్ ఎంతవరకు ఉంటుంది అన్న అంచనాల్లో ఇప్పటికే యూనిట్ సభ్యులు తలమునకలై ఉన్నారు.