ఓవ‌ర్సీస్‌లో నాని సినిమాల‌కు భ‌లే క్రేజ్‌. టాప్ స్టార్ల‌తో పోటీ ప‌డుతూ నాని సినిమాలు భారీ వ‌సూళ్ల‌ని రాబ‌డ‌తాయి అక్క‌డ‌. నాని సినిమా హిట్ట‌యితే ఓవ‌ర్సీస్‌లో మిలియ‌న్ డాల‌ర్ మార్క్‌ని దాట‌డం ఖాయం. తాజాగా విడుద‌లైన `జెర్సీ` కూడా ఈ క్ల‌బ్ లో చేరిపోయింది. మంగ‌ళ‌వారం నాటికి మిలియ‌న్ డాల‌ర్లు వ‌సూలు చేసింది `జెర్సీ`.

అక్క‌డ మిలియ‌న్ డాల‌ర్లు వ‌సూలు చేయ‌డం నానికి ఇది ఆరోసారి. ఈగ‌, భ‌లే భ‌లే మ‌గాడివోయ్‌, ఎంసీఏ, నిన్ను కోరి, నేను లోక‌ల్ చిత్రాలు ఈ మైలురాయిని అందుకున్నాయి. ఓవ‌ర్సీస్ లో మిలియ‌న్ డాల‌ర్ మైలు రాయిని ఏకంగా ఎనిమిది సార్లు అందుకున్న రికార్డు మ‌హేష్ బాబు సొంతం. ఆ త‌ర‌వాత‌... ఆరుసార్లు ఈ క్ల‌బ్‌లో చేరిన ఘ‌న‌త ఎన్టీఆర్‌ది. జెర్సీ సినిమాతో నాని ఆ రికార్డుని స‌మం చేశాడ‌న్న‌మాట‌.

కాక‌పోతే ఎప్పుడూ తొలి మూడు రోజుల్లో ఈ మైల్ స్టోన్ దాటిన నాని.. ఈసారి మ‌రో రెండు రోజులు ఎక్కువ స‌మ‌యం తీసుకున్నాడు. అంతే తేడా!