`ఓం న‌మో వేంక‌టేశాయ` త‌ర‌వాత మ‌ళ్లీ మెగా ఫోన్ ప‌ట్ట‌లేదు రాఘ‌వేంద్ర‌రావు. త్వ‌ర‌లోనే ఓ కొత్త సినిమా తీస్తా.. అని చెబుతూ వ‌స్తున్నారు. ఇప్పుడు అందుకు రంగం సిద్ధ‌మైంది. త‌న కొత్త చిత్రానికి సంబంధించిన ప్ర‌క‌ట‌న ఈ రోజు వ‌చ్చేసింది. ఈ చిత్రానికి `పెళ్లి సంద‌డి` అనే పేరు ఖ‌రారు చేశారు. రాఘ‌వేంద్ర‌రావు ద‌ర్శ‌క‌త్వంలో వచ్చిన `పెళ్లి సంద‌డి`ఎంత పెద్ద విజ‌యాన్ని అందుకుందో ప్ర‌త్యేకంగా చెప్పాల్సిన ప‌నిలేదు. అదో మ్యూజిక‌ల్ మ్యాజిక్‌.
ఇప్పుడు మ‌ళ్లీ అదే టైటిల్ ని త‌న సినిమాకి పెట్టుకున్నారు రాఘ‌వేంద్ర‌రావు. కీర‌వాణి ఈ చిత్రానికి సంగీతం అందించ‌నున్నారు. ఆర్కా మీడియా సంస్థ నిర్మించ‌నుంది. మ్యూజిక్‌సిట్టింగ్స్ మొద‌లైపోయాయి. న‌టీన‌టులు ఎంపిక కూడా జ‌రుగుతోంది. ఈ సినిమాలో అంతా కొత్త వారే న‌టిస్తార‌ని తెలుస్తోంది. వాళ్ల వివ‌రాల్ని త్వ‌ర‌లోనే చిత్ర‌బృందం ప్ర‌క‌టించ‌బోతోంది.
