కంగనా రనౌత్‌ ప్రధాన పాత్రలో తెరకెక్కిన 'క్వీన్‌' సినిమా బాలీవుడ్‌లో మంచి విజయం అందుకుంది. అంతేకాదు ఆ సినిమా నటిగా కంగనాకి ఎంతో మంచి పేరు తీసుకొచ్చింది. ఈ సినిమాని ఇప్పుడు ఈ సినిమా తమిళంలో రూపొందుతోంది. తెలుగులోనూ విడుదల చేసే ఆలోచనలున్నాయి. 'క్వీన్‌' సినిమా తమిళ వెర్షన్‌లో హీరోయిన్‌గా కాజల్‌ అగర్వాల్‌ ఎంపికైంది. ఇంతకు ముందు ఈ సినిమా కోసం పలువురు హీరోయిన్స్‌ పేర్లు పరిశీలించారు. అందులో మిల్కీ బ్యూటీ తమన్నా పేరు కూడా ఉంది. చివరికి ఆమె పేరు ఖాయం చేశారు కూడా. అయితే చివరి నిమిషంలో మార్పు జరిగింది. బాలీవుడ్‌లో 'క్వీన్‌'గా కంగనా రనౌత్‌కు ఆ సినిమాలో నటనకుగాను ఎన్నో అవార్డులు, విమర్శకుల ప్రశంసలు దక్కాయి. ఇప్పుడా అవకాశం చందమామని వరించబోతోంది. సీనియర్‌ నటి రేవతి ఈ 'క్వీన్‌' చిత్రానికి దర్శకత్వం వహిస్తున్నారు. సుహాసిని ఈ సినిమాకి డైలాగ్స్‌ అందించనుండడం గమనించదగ్గది. కన్నడలో 'బటర్‌ఫ్లై' పేరుతో ఈ చిత్రాన్ని రీమేక్‌ చేస్తుండగా, అందులో పరుల్‌ యాదవ్‌ నటించనుంది. ఈ చిత్రాన్ని ఎంతో ప్రతిష్ఠాత్మకంగా తెరకెక్కిస్తున్నారు ఈ ఇద్దరు సీనియర్‌ నటీ మణులు. హిందీ వెర్షన్‌తో పోల్చితే తాజా వెర్షన్‌కి డైలాగులు ప్రత్యేక ఆకర్షణ కానున్నాయని చిత్ర యూనిట్‌ నుండి అందిని సమాచారమ్‌. త్వరలోనే ఈ సినిమా సెట్స్‌ పైకి వెళ్లనుంది. టాలీవుడ్‌ చందమామ ఇకపై కోలీవుడ్‌ 'క్వీన్‌' కానుందన్న మాట.
