ముద్దుగుమ్మల అందచందాలు స్క్రీన్‌పై అంతగా మెరిసిపోవడానికి కారణాలు అనేకం. స్వతహాగా వచ్చిన నేచురల్‌ బ్యూటీనెస్‌ ఒకెత్తు కాగా, తమ అందాలకు ఆర్టిఫిషియల్‌ మెరుగులు అద్దడం మరో ఎత్తు. ఆ రకంగానే అందాల భామలు స్క్రీన్‌పై అంత అందంగా మెరిపిస్తూ ఉంటారు. తాజాగా ముద్దుగుమ్మ కాజల్‌ అగర్వాల్‌పై ఓ పుకారు షికారు చేస్తోంది. అందాల చందమామ కాజల్‌ అగర్వాల్‌ 'నోస్‌ సర్జరీ' చేయించుకుందంటూ గాసిప్స్‌ వస్తున్నాయి. అయితే వీటిని చాలామంది కొట్టి పారేస్తున్నారు. కాజల్‌ అగర్వాల్‌ నేచురల్‌ బ్యూటీ. ఆమెకు సర్జరీ చేయించుకోవాల్సిన అవసరమే లేదు. 'లక్ష్మీకళ్యాణం' సినిమాతో హీరోయిన్‌గా తెలుగులో కెరీర్‌ స్టార్ట్‌ చేసినప్పటినుంచి ఇప్పటిదాకా ఆమె అందం సినిమా సినిమాకీ పెరుగుతూనే వస్తోంది తప్ప తగ్గడంలేదు. వయసు పెరిగినా ఏమాత్రం ఫిజిక్‌లో ఛేంజ్‌ లేకుండా మెయింటైన్‌ చేస్తోంది ఈ ముద్దుగుమ్మ. కాబట్టి కాజల్‌ నోస్‌ సర్జరీ చేయించుకుందనే వార్తలు అసంబద్ధం. ప్రస్తుతం కాజల్‌ అగర్వాల్‌ నటించిన 'నేనే రాజు నేనే మంత్రి' సినిమా విడుదలకు సిద్ధంగా ఉంది. ఈ సినిమాలో కాజల్‌ ఎంతందంగా ఉందో పోస్టర్స్‌ చూస్తుంటేనే అర్ధమవుతోంది. ఇంకో వైపున తెలుగులో తొలి సినిమా 'లక్ష్మీకళ్యాణం' హీరో కళ్యాణ్‌రామ్‌తో 'ఎమ్మెల్యే' అనే సినిమాలోనూ నటిస్తోంది కాజల్‌ అగర్వాల్‌. 2017లో బిగ్గెస్ట్‌ హిట్స్‌గా చెప్పుకోదగ్గ చిత్రాల్లో ఒకటైన 'ఖైదీ నెంబర్‌ 150' సినిమాలో కాజల్‌ హీరోయిన్‌గా నటించింది. తన గ్లామర్‌తో తెలుగు ప్రేక్షకుల్నే కాక తమిళ ప్రేక్షకుల్నీ, హిందీ ప్రేక్షకుల్నీ అలరిస్తోన్న కాజల్‌, ఈ గాసిప్స్‌ని పట్టించుకునేంత తీరికగా అయితే లేదు.
