పదేళ్లకు పైగా హీరోయిన్‌గా సత్తా చాటుతోంది ముద్దుగుమ్మ కాజల్‌ అగర్వాల్‌. ఎంతమంది కొత్త భామలు వచ్చినప్పటికీ ఆమె క్రేజ్‌ అలాగే ఉండడం విశేషం. వివాదాలకు, గాసిప్స్‌కీ చాలా దూరంగా ఉంటుంది చందమామ కాజల్‌. అందంలోనూ, అభినయంలోనూ ఆమె స్పెషాలిటీనే వేరు. మెగా పవర్‌ స్టార్‌ రామ్‌చరణ్‌, కాజల్‌ జోడీ 'మగధీర'తో స్టార్ట్‌ అయ్యింది. ఆ సినిమాతోనే కాజల్‌ దశ తిరిగిందని చెప్పాలి. ఆ తర్వాత కాజల్‌ కెరీర్‌కి తిరుగే లేకుండా పోయింది. సక్సెస్‌ఫుల్‌ హీరోయిన్‌గా దూసుకెళ్లిపోయింది. కెరీర్‌ ఫినిష్‌ అయిపోతుందనుకున్న టైంలో 'ఖైదీ నెంబర్‌ 150' ఆఫర్‌తో ఏకంగా మెగాస్టార్‌తో రొమాన్స్‌ చేసే బంపర్‌ ఆఫర్‌ కొట్టేసింది. ఆ సినిమాతో సూపర్‌ సక్సెస్‌ అందుకుని మెగా హీరోయిన్‌ అయిపోయింది. లేటెస్టుగా 'నేనే రాజు నేనే మంత్రి' సినిమాతో మరో హిట్‌ని తన ఖాతాలో వేసుకుంది. తెలుగుతో పాటు, హిందీ, తమిళ భాషల్లోనూ కాజల్‌ సత్తా చాటుతోంది. ఇన్నేళ్లుగా తను తెలుగు ఇండస్ట్రీలో కొనసాగడానికి కారణం తెలుగు ప్రేక్షకులు తనపై పెట్టుకున్న నమ్మకం, అభిమానమే అంటోంది. అందుకే తెలుగు ఇండస్ట్రీ అంటే తనకెంతో అభిమానమనీ చెబుతోంది. అభిమానుల ప్రేమ చాలా విలువైందనీ, అదే తనకి తరగని ఆస్థి, అందం, ఆనందం అంటోంది ముద్దుగుమ్మ కాజల్‌. ప్రస్తుతం కళ్యాణ్‌రామ్‌తో 'ఎమ్మెల్యే' సినిమాలో నటిస్తోంది కాజల్‌ అగర్వాల్‌.