విడుదలైన రెండు సినిమాలతోనే రెండు బంపర్‌ హిట్స్‌ కొట్టేసింది. హిట్సేనా, బంపర్‌ ఛాన్సులు కూడా కొట్టేసింది. అందుకే అమ్మడు నెంబర్‌ వన్‌ సీటుకి ఎర వేసేస్తోందట. తొందరల్లోనే పవన్‌ సినిమాలో నటించబోతోంది. త్రివిక్రమ్‌ - పవన్‌ సినిమా అంటేనే వెరీ వెరీ స్పెషల్‌. త్రివిక్రమ్‌ సినిమాలో హీరోయిన్‌గా నటించిందంటే ఆ హీరోయిన్‌ లెక్కే వేరు. హీరోయిన్‌కి కేవలం గ్లామర్‌ పాత్రే కాకుండా, ప్రాధాన్యత కూడా ఉంటుంది త్రివిక్రమ్‌ సినిమాల్లో. ఇక నటిగా బోలెడంత టాలెంట్‌ ఉన్న కీర్తి సురేష్‌ లాంటి ముద్దుగుమ్మకి తన సినిమాలో త్రివిక్రమ్‌ ఎలాంటి క్యారెక్టర్‌ ఇవ్వబోతున్నాడో కదా. ఖచ్చితంగా ఆ క్యారెక్టర్‌ కీర్తికి మంచి గుర్తింపు తెచ్చిపెడుతుందనడంలో సందేహం లేదు. ఆ తర్వాత మహేష్‌ సినిమాలో కూడా ఈ ముద్దుగుమ్మ హీరోయిన్‌ అన్న సంగతి తెలిసిందే. ఇకనేం ఇద్దరు స్టార్‌ హీరోల సినిమాల్లో వరుసగా ఆఫర్లు పట్టేసిందంటే కీర్తి సురేష్‌ మామాలుదేమీ కాదు. అలాగే తాజా సినిమా 'నేను లోకల్‌'లో కీర్తి సురేష్‌ నటన అద్భుతంగా ఉంది. తొలి సినిమా 'నేను శైలజ..' తో బరువైన పాత్రతో ఆకట్టుకుంది. అలాగే ఈ సినిమాలో బబ్లీగాళ్‌గా కనిపిస్తూనే అవసరమైన సందర్భాల్లో తన యాక్టింగ్‌ టాలెంట్‌తో కొన్ని సీన్స్‌ని ఎక్కడికో తీసుకెళ్లిపోయింది. నాని టాలెంట్‌ ఒక ఎత్తు అయితే ఈ సినిమాకి కీర్తి సురేష్‌ మరో ఎత్తైంది. వెరసి ఈ సినిమా ఇంత సూపర్‌ హిట్‌ సాధించింది. ఇకపోతే నెంబర్‌ వన్‌ సీటుకి చేరుకోగలిగే అరుదైన గౌరవం దక్కితే ఓ మంచి నటిగా తనకి అంతకన్నా కావాల్సిందేముంది అని భావిస్తోంది ముద్దుగుమ్మ కీర్తి సురేష్‌.