యంగ్‌ హీరో నిఖిల్‌ విజయానికి ఏదీ అడ్డు కట్ట వేయలేకపోతోంది. పెద్ద నోట్లు రద్దు టైంలో 'ఎక్కడికి పోతావు చిన్న వాడా' అంటూ వచ్చి మెల్లగా హిట్‌ కొట్టుకెళ్లాడు. తాజాగా 'కేశవ' సినిమాతో మరో హిట్‌ని తన ఖాతాలో వేసుకున్నాడు మనోడు. 'బాహుబలి ది కంక్లూజన్‌' మేనియా ఉన్నా, చిన్న సినిమాగా వచ్చిన 'కేశవ'కి మంచి ఓపెనింగ్స్‌ వచ్చాయి. ఫస్ట్‌ లుక్‌తోనే సినిమాపై ఇంట్రెస్ట్‌ని ఆడియన్స్‌లో కలగజేయగలిగారు చిత్ర దర్శక నిర్మాతలు. అదే ఈ సినిమాకి పెద్ద ప్లస్‌ అయ్యింది. నిఖిల్‌ మాత్రమే కాదు రీతూ వర్మ కూడా ఈ సినిమాతో మంచి విజయాన్ని తన ఖాతాలో వేసుకుంది. 'పెళ్లి చూపులు' సినిమాతో అమ్మడి పేరు మార్మోగిపోయింది. ఆ పేరు అలాగే కొనసాగిస్తూ మరో విజయానికి తెర లేపింది ఈ అమ్మడు. తొలి రోజు మంచి వసూళ్ళు వచ్చాయి ఈ చిత్రానికి. ఓవర్‌సీస్‌ రిపోర్ట్స్‌ కూడా బాగున్నాయి. వీకెండ్‌ ముగిసే సరికి, అద్భుతమైన వసూళ్ళను సాధిస్తుందని అంచనా వేస్తున్నారు. నిఖిల్‌ కెరీర్‌లోనే వసూళ్ళ పరంగా బిగ్గెస్ట్‌ హిట్‌ అవుతుందని ట్రేడ్‌ పండితుల అంచనా. మరో పక్క ఈ సినిమా విజయానికి సీనయర్‌ నటి బాలీవుడ్‌ భామ ఇషా కొప్పికర్‌ అప్పియరెన్స్‌ కూడా మరో ప్లస్‌ పాయింట్‌ అని చెప్పక తప్పదు. పోలీస్‌ ఆఫీసర్‌ పాత్రలో ఇషా నటన ఆక్టుకుంటుంది. వరుస విజయాలపై ఉన్న నిఖిల్‌, తన నెక్స్ట్‌ సినిమా ఏంటంటే 'కార్తికేయ 2' అంటున్నాడు. అంటే హ్యాట్రిక్‌పై నిఖిల్‌ కన్నేసినట్లే అనిపిస్తోంది.